【深圳溫泉2026】12個深圳及周邊溫泉酒店推介！私人風呂/親子/情侶/平價之選（附交通及預訂優惠）

近年港人北上消費成趨勢，唔想次次都係食買玩？

近近哋去深圳浸個溫泉放鬆吓，絕對係快閃充電嘅最佳選擇！

不過深圳及大灣區溫泉酒店選擇眾多，點樣揀先至最啱心水？點分「真假」溫泉？

今次小編就為大家整合咗篇超詳盡嘅深圳溫泉懶人包，精選深圳及周邊城市合共12個高質溫泉度假村，無論你係想搵私人風呂二人世界、親子放電、定係CP值高嘅平價之選，呢篇攻略都可以幫到你！

文章更會教你分辨「真溫泉」、提供交通及預訂優惠資訊，一文解決你所有疑問！

【深圳篇】市內溫泉酒店及水療中心推介

想方便快捷，唔想走太遠？

深圳市內就有唔少優質嘅深圳溫泉酒店同水療中心，最快落馬洲過關後十幾分鐘車程就到，啱晒即興想去鬆一鬆嘅你！

湯悦溫泉汗蒸 (福田區，24小時營業)

湯悅溫泉汗蒸係內地大型連鎖水療品牌，福田車公廟店鄰近口岸，交通極之方便。

場內佔地近65,000呎，除咗日式湯泉，仲有汗蒸、按摩、餐飲、電競、電影院等，集多種娛樂於一身，係年輕人同朋友聚會嘅熱門地點，玩足全日都唔會悶。

憑回鄉證搭的士去仲有車費報銷優惠，非常貼心。

• 特色賣點：24小時營業、大型綜合水療中心、玩樂設施豐富、港人專享優惠
• 人均價格：HK$137起/人 (淨入場)
• 地址：深圳市福田區車公廟泰然四路109棟泰安軒B座一二層
• 交通：深圳地鐵車公廟站步行可達；福田口岸搭的士約5-10分鐘。
• 按此預訂湯悅溫泉汗蒸優惠

觀瀾山水田園鄉村溫泉 (龍華區，親子向AAAA級景區)

位於國家AAAA級旅遊景區「觀瀾山水田園文化園」内，環境古色古香，充滿嶺南水鄉風情。

呢度嘅溫泉區係森林式礦泉，有超過30個唔同主題嘅室內外泡池，例如花草浴、中藥池等。

最重要係園區內仲有機動遊戲、水上樂園、馬場等設施，非常適合一家大細嚟個親子溫泉兩日一夜遊。

• 特色賣點：國家AAAA級景區、一站式度假村、親子設施齊全、園林景色優美
• 人均價格：HK$74起/晚 (住宿連溫泉)
• 地址：廣東深圳市龍華區環觀南路6號
• 交通：深圳地鐵4號線牛湖站D出口，轉乘巴士或的士前往。
• 按此預訂觀瀾山水田園住宿優惠

石岩湖溫泉度假村 (寶安區，深圳老牌溫泉)

講到深圳老牌溫泉，一定唔少得石岩湖溫泉度假村。

佢以有近千年歷史嘅天然玉律溫泉聞名，泉水屬於蘇打碳酸型，對舒緩皮膚同神經痛有一定療效。

度假村建築以西班牙風格為主，部分別墅仲提供私人溫泉浴室，俾你享受寧靜嘅療養時光。

• 特色賣點：歷史悠久天然溫泉、泉水療效顯著、設有豪華別墅
• 人均價格：成人門票約¥98/位
• 地址：深圳市寶安區石岩湖溫泉風景區
• 交通：建議自駕或由市區搭的士前往。

深圳藍楹灣度假酒店 (南山區，市區難得私家泳池別墅)

想喺市區享受度假Feel？位於南山區深圳灣公園附近嘅藍楹灣度假酒店就啱晒你。

酒店主打全別墅房型，間間房都有獨立花園同私家泳池，私隱度極高！

每年10月至4月期間，泳池更會提供溫泉水，俾你喺自己房內盡情浸泡。酒店鄰近歡樂海岸，食嘢行街都好方便。

• 特色賣點：全別墅酒店、每戶設私家泳池、房內享溫泉、東南亞海島風情
• 人均價格：HK$1158起/晚
• 地址：深圳南山區濱海大道2018號
• 交通：深圳灣公園地鐵站步行約11分鐘；福田高鐵站搭的士約16分鐘。
• 按此預訂深圳藍楹灣度假酒店

櫻曼·海景泡池度假美宿 (鹽田區，房內享日式私湯)

呢間位於大梅沙嘅精品民宿，最大賣點係所有房型都設有日式私家湯池，可以隨時隨地享受私人溫泉嘅樂趣。

民宿鄰近地鐵站，交通方便，行10分鐘就到。

部分房型仲可以望到海景，一邊浸溫泉一邊睇海，絕對係極致嘅享受。啱晒鍾意日式風呂又追求私隱嘅情侶或閨密。

• 特色賣點：所有客房均設私家日式湯池、鄰近地鐵站、部分房間享海景
• 人均價格：HK$240起/晚
• 地址：深圳鹽田區大梅沙梅沙街道環梅路6號海闊凌海公寓6樓
• 交通：地鐵大梅沙站步行約9分鐘。
• 按此預訂櫻曼·海景泡池度假美宿

HEY VILLA·熹遇見·花園私湯別墅 (大鵬新區，侘寂風設計)

如果你追求設計感同寧靜氛圍，位於大鵬南澳嘅HEY VILLA就係你嘅理想之選。

酒店行簡約侘寂風，用大量大地色調同自然材質，營造出療癒舒適嘅空間。

每間房都配備私人花園同露天私湯泡池，好似去咗泰國度假一樣。

酒店管家服務周到，獲得唔少住客好評，適合追求高品質住宿體驗嘅你。

• 特色賣點：侘寂風設計、每戶設私人花園及湯池、管家服務、高私隱度
• 人均價格：HK$607起/晚
• 地址：深圳大鵬新區海濱南路33號南龍小區C3棟
• 交通：建議由深圳坪山站搭的士前往，約1小時車程。
• 按此預訂HEY VILLA·熹遇見

【深圳周邊篇】1-3小時車程直達！大灣區溫泉勝地

如果時間充裕，不妨將腳步延伸到深圳周邊嘅大灣區城市，嗰度有更多大型、而且好多都係獲官方認證嘅「真溫泉」度假村，絕對值得你花個兩日一夜去探索！

惠州｜龍門南崑山雲頂溫泉度假村

溫泉愛好者必到嘅朝聖地！

雲頂溫泉不單係國家4A級景區，更加係首批獲得「真溫泉」認證嘅溫泉，泉水係72℃純天然硅酸氟溫泉，有「美人湯」之稱。

度假村依山而建，有多達108個特色泡池，無論你想搵私人溫泉房，定係喺戶外公共區享受園林景致，呢度都可以滿足你。

• 特色賣點：「真溫泉」認證、72℃硅酸氟溫泉「美人湯」、108個特色泡池
• 人均價格：HK$307起/晚
• 地址：廣東省惠州市龍門縣永漢鎮馬星村增龍路雲頂溫泉度假村
• 交通：由深圳出發，自駕約1.5-2小時。
• 按此預訂南崑山雲頂溫泉度假村

東莞｜塘廈三正半山溫泉酒店

呢間酒店規模極大，有「東莞第一泉」美譽，同樣有「真溫泉」認證。

泉水富含偏硅酸、氟等多種對人體有益嘅礦物質。酒店被湖光山色環繞，景色怡人。

室外溫泉區設計充滿歐洲園林風格，設有超過30個特色溫泉池，部分客房亦有私人溫泉，啱晒一家大細或者情侶入住。

• 特色賣點：「真溫泉」認證、「東莞第一泉」、規模龐大、設親子設施
• 人均價格：HK$334起/晚
• 地址：東莞市塘廈鎮迎賓大道10號
• 交通：由深圳出發，自駕約1小時。
• 按此預訂塘廈三正半山溫泉酒店

珠海｜御溫泉渡假村

想體驗日式溫泉風情，唔使飛日本，嚟珠海御溫泉就得！

作為中國第一家日式露天溫泉，呢度無論係建築風格定係服務都充滿和風。

提供多款特色純天然溫泉，例如咖啡溫泉、酒池、瀑布溫泉等，玩味十足。度假村內仲有小食街同各種娛樂，好似去咗個小型日本溫泉鄉咁。

• 特色賣點：中國首家日式露天溫泉、和風主題、特色溫泉池選擇多
• 人均價格：HK$548起/晚
• 地址：珠海市鬥門區鬥門鎮鬥門大道333號
• 交通：由香港乘船至珠海九洲港，再轉乘的士或酒店接駁車。
• 按此預訂珠海御溫泉渡假村

江門｜古兜天際溫泉酒店

古兜溫泉係國家4A級景區，最特別之處係擁有世界罕見嘅「一地兩泉」——海洋溫泉（鹹溫泉）同氡溫泉（淡溫泉）。

天際溫泉酒店嘅住客可以無限次享用頂樓嘅十個露天溫泉池，夜晚仲可以一路浸溫泉一路睇星星，非常浪漫，係情侶度假嘅首選。

• 特色賣點：罕見「一地兩泉」、頂樓天際溫泉、可觀星、國家4A級景區
• 人均價格：HK$207起/晚
• 地址：江門市新會區崖門鎮古兜度假邨1號2號樓
• 交通：由深圳出發，自駕約2-2.5小時。
• 按此預訂古兜天際溫泉酒店

廣州｜億城泉說酒店

位於廣州從化嘅五星級溫泉酒店，矗立於山頂之上，被森林環抱，環境清幽。

酒店主打高端路線，除咗公共溫泉區，更設有獨立嘅溫泉客房同私人溫泉別墅，提供極致奢華同私密嘅享受。

如果你追求寧靜、想遠離煩囂，呢度絕對係頂級之選。

• 特色賣點：五星級山頂酒店、私家溫泉別墅、「真溫泉」認證、奢華享受
• 人均價格：HK$177起/晚 (淡季價格可能波動較大)
• 地址：廣州從化區悅泉路億城一街145號
• 交通：由深圳出發，自駕約2小時。
• 按此預訂廣州億城泉說酒店

汕尾｜水底山溫泉莊園

深汕合作區內嘅水底山溫泉莊園，係粵東最大嘅溫泉區，由深圳出發只需約1.5小時車程。

莊園有多達68個特色溫泉池，泉水富含碳酸氫鈉，健康養生。

除咗浸溫泉，園區內仲有瀑布、漂流河、沙灘、綠道等，可以玩足一日，非常適合一家大細或一班朋友嚟玩。

• 特色賣點：粵東最大溫泉區、68個特色溫泉池、玩樂設施豐富、鄰近深圳
• 人均價格：HK$1000起/晚
• 地址：汕尾赤石鎮明熱公路88號
• 交通：乘坐高鐵至鲘門站後搭的士約30分鐘；深圳自駕約1.5小時。
• 按此預訂水底山溫泉莊園

按主題揀！滿足你不同需求的溫泉體驗

選擇困難症發作？唔緊要！

深圳貓已經為你按唔同主題分門別類，無論你係想二人世界、家庭樂定係朋友聚會，都可以輕鬆搵到最啱心水嘅深圳溫泉推介！

追求私隱：私人風呂/私家湯池酒店精選

想享受無人打擾嘅浸浴時光，揀有私人溫泉風呂嘅酒店就最啱。以下幾間都提供房內或獨立庭院私湯，私隱度滿分！

• HEY VILLA·熹遇見·花園私湯別墅：頂級侘寂風設計，每戶都有私人花園同露天湯池。（按此預訂即享優惠）
• 深圳藍楹灣度假酒店：別墅自帶私家泳池（季節性提供溫泉水），夠晒奢華。（按此預訂即享優惠）
• 櫻曼·海景泡池度假美宿：所有房型均設日式私家湯池，隨時想浸就浸。（按此預訂即享優惠）
• 廣州億城泉説酒店：提供獨立溫泉客房及私人別墅，享受山林中嘅寧靜。（按此預訂即享優惠）
• 較場尾壹品寒舍民宿：部分房型設有私湯庭院，價錢親民。（按此預訂即享優惠）

親子同樂：家庭友善溫泉度假村

帶住小朋友去旅行，最緊要多嘢玩！呢啲親子溫泉度假村除咗溫泉，仲有大量兒童遊樂設施，保證大人細路都樂而忘返。

• 觀瀾山水田園鄉村溫泉：集溫泉、水上樂園、機動遊戲、馬場於一身，係小朋友嘅天堂。（按此預訂即享優惠）
• 東莞塘廈三正半山溫泉酒店：設有小童溫泉房、小童水上樂園、泳池滑道等，專為家庭客設計。（按此預訂即享優惠）
• 水底山溫泉莊園：有漂流河、沙灘、大泳池等，活動夠晒多元化。（按此預訂即享優惠）

偽遊日本：日式風情溫泉推介

心思思想去日本又未有假？不如先去呢啲充滿和風嘅溫泉酒店止下癮，感受日式溫泉嘅魅力。

• 珠海御溫泉渡假村：中國首家日式露天溫泉，由建築到服務都讓你彷彿置身日本。（按此預訂即享優惠）
• 櫻曼·海景泡池度假美宿：主打房內日式私湯，設計簡約有格調。（按此預訂即享優惠）

情侶浪漫：打卡必去靚景溫泉民宿

想同另一半過返個浪漫週末，揀間靚景溫泉就最perfect！以下推介嘅民宿，無論係睇日落定觀星都一流，打卡必去！

• 古兜天際溫泉酒店：頂樓露天溫泉池，夜晚可以同情人一齊睇星星，夠晒浪漫。（按此預訂即享優惠）
• 仙本那·私湯海景沙灘度假美宿 (深圳較場尾)：間間房都望海，浴缸對住無敵海景，部分房更有露台私湯。（按此預訂即享優惠）
• Mello覓樂民宿 (深圳桔釣沙)：復古設計，部分房間有海景陽台泡池，影相超靚。（按此預訂即享優惠）

嚐鮮必住：近兩年新開幕溫泉酒店

鍾意試新嘢嘅你，可以考慮以下幾間近一兩年先新開或者翻新嘅酒店民宿，設施新淨，設計亦更貼近潮流。

• 琉森山林拉菲爾民宿 (2023年開業)：位於半山，飽覽山景海景，部分房有室內私湯。（按此預訂即享優惠）
• Mello覓樂民宿 (2024年開幕)：山景海景兼備，復古風設計，設有海景陽台泡池。（按此預訂即享優惠）
• 較場尾壹品寒舍民宿 (2024年翻新)：地理位置極佳，行幾步就到海邊，設庭院私湯房。（按此預訂即享優惠）

高CP值之選：人均$200以下溫泉

預算有限但又想浸溫泉？無問題！以下選擇人均消費唔使$200，絕對係平價高質之選。

• 湯悅溫泉汗蒸：入場費只需百幾蚊，就可以享受湯泉、汗蒸同各種娛樂設施。（按此預訂即享優惠）
• 觀瀾山水田園鄉村溫泉：住宿連溫泉人均唔使$100，抵玩！（按此預訂即享優惠）
• 較場尾壹品寒舍民宿：最平房型人均$152起，想加錢住私湯房亦得。（按此預訂即享優惠）

深圳及周邊溫泉賣點、價錢、交通比較總覽

為咗方便大家比較，深圳貓將上面推介過嘅深圳溫泉同周邊溫泉整合成一個總覽表，無論你想搵私人風呂定係親子溫泉，由價錢、交通到特色都一目了然！

出發前必讀！深圳溫泉旅遊懶人包

香港往返大灣區交通方式全攻略

由香港出發去深圳及大灣區各地，交通選擇非常多樣，你可以根據目的地、預算同時間揀最適合自己嘅方法：

• 高鐵：最快嘅選擇，由西九龍站出發，14分鐘到福田，再去廣州、東莞、汕尾等地都非常方便。（按此查看高鐵票價）
• 港鐵：最平民化嘅選擇，經羅湖或落馬洲口岸過關，再轉乘深圳地鐵，適合去深圳市內嘅溫泉。
• 直通巴士：點對點服務，港九新界都有上車點，可以直接去到好多酒店或景點附近，方便唔想轉車嘅朋友。
• 船：如果去珠海或江門，可以考慮由中港城碼頭或港澳碼頭搭船，可以避開陸路關口嘅人潮。

延伸閱讀：【香港深圳交通】最平$9.9起！高鐵/巴士/MTR等6大方法時間價錢、口岸選擇懶人包

網上預訂平台及優惠碼合集

想訂深圳溫泉酒店訂得最抵？記得善用各大旅遊預訂平台，例如 Trip.com、Klook、KKday 等。

佢哋不時會推出信用卡優惠、早鳥優惠或者套票優惠，訂之前記得格下價。

好多網站仲有長期有效嘅優惠碼，埋單前輸入就可以慳多筆！建議將心儀嘅溫泉酒店加入收藏，留意住佢哋幾時減價。

• 👉🏻 最新Trip.com優惠碼
• 👉🏻 最新Klook優惠碼
• 👉🏻 最新KKday優惠碼
• 👉🏻 最新Agoda優惠碼
• 👉🏻 最新Booking.com優惠碼
• 👉🏻 最新Hotels.com優惠碼
• 👉🏻 最新Expedia優惠碼
• 👉🏻 最新HopeGoo優惠碼
• 👉🏻 最新永安旅遊優惠碼

行前準備清單

執行李前，對照以下清單執漏，確保萬無一失！

• ✔︎ 證件：回鄉證、身份證。
• ✔︎ 衣物：泳衣、泳褲（浸溫泉必備！）、輕便拖鞋、舒適便服。
• ✔︎ 個人用品：個人護膚品、化妝品、防曬用品。雖然酒店大多提供洗頭水沐浴露，但用慣自己嘅就最好帶埋。
• ✔︎ 電子產品：電話、充電器、流動充電池（尿袋）、電話防水袋。
• ✔︎ 金錢：少量人民幣現金、已開通內地付款功能嘅電子錢包 (AlipayHK/WeChat Pay HK)、信用卡。

為什麼選擇北上浸溫泉？

近年港人熱衷北上消費，除了食買玩，去深圳溫泉嘆返個週末亦成為新趨勢。

唔使搭長途機飛日本，喺深圳一樣可以享受高質素嘅溫泉體驗，無論係想搵間深圳溫泉酒店二人世界，定係一家大細齊齊放鬆，都有極多選擇。（更多深圳酒店推介可以睇呢度！）

價錢平、交通方便、選擇多，絕對係快閃充電嘅不二之選！

地理優勢與交通時間成本

對於香港人嚟講，去深圳及周邊地區浸溫泉最大嘅優勢就係「近」！

由香港出發，無論搭高鐵、直通巴定港鐵，1-2小時內就可到達深圳福田、羅湖等核心區域。

即使係去到惠州、東莞、珠海等溫泉勝地，大多都只係1-3小時車程，慳返唔少時間同交通費，絕對適合想話走就走嘅香港人。

消費預算與整體性價比

相比飛轉日本，北上浸溫泉嘅性價比極高。豐儉由人，由人均消費一百幾十蚊嘅深圳水療中心，到人均千元以上嘅豪華私人別墅都有。

唔少深圳溫泉酒店更提供一泊二食、包任玩設施嘅套票，計起上嚟分分鐘平過喺香港住一晚酒店，但享受到嘅設施同服務就多幾倍，絕對物超所值。

什麼是廣東「真溫泉」認證？

想浸到堅嘅溫泉？咁就要識得睇「真溫泉」認證啦！廣東省旅遊溫泉品質認證為業界定下標準，獲認證嘅溫泉必須符合嚴格條件：

• 水溫必須喺攝氏34度以上。
• 富含對人體有益嘅礦物質，例如氟離子、偏硅酸、鋰、鍶、氡等化學組分要達到一定濃度。

選擇有「真溫泉」認證嘅溫泉酒店，就保證你浸到嘅係真正具有療養效果嘅天然礦泉，而唔係普通嘅「熱水」上下文推介嘅溫泉之中，亦有唔少係榜上有名嘅「真溫泉」，大家可以放心選擇！

深圳溫泉Q&A

浸溫泉要帶什麼？需要自備泳衣嗎？

一定要自備泳衣！內地嘅溫泉（除咗部分日式裸湯）都需要著泳衣先可以進入公共溫泉區。另外，建議自備一對私家拖鞋，會比較衛生。雖然大部分度假村都會提供毛巾、浴袍、洗髮水同沐浴露，但個人護膚品就最好自己帶備。

一日遊即日來回足夠嗎？

視乎你去邊度。如果只係去福田、羅湖附近嘅水療中心（例如湯悅溫泉汗蒸），即日來回絕對無問題，甚至可以作為一日遊嘅最後一站，過夜第二朝再返香港都得。但如果係去惠州、珠海等周邊城市嘅大型溫泉度假村，建議最少安排兩日一夜，先可以真正放鬆，同埋玩盡度假村內嘅設施。

溫泉水乾淨嗎？如何分辨「真假」溫泉？

大型連鎖品牌及星級酒店嘅溫泉衛生標準普遍較高，會定時清潔同換水。

想確保浸到嘅係有療效嘅天然礦泉，最直接嘅方法就係選擇獲得廣東省「真溫泉」認證嘅溫泉企業。呢啲企業嘅泉水水質同礦物質含量都經過官方檢測，有品質保證。

除了浸溫泉，度假村內還有什麼設施？

而家嘅大灣區溫泉度假村已經發展成一站式嘅娛樂中心。除咗溫泉，通常都會有以下配套設施：

• 餐飲：自助餐、中西餐廳、特色小食街。
• 娛樂：SPA按摩、健身室、KTV、電影院、兒童樂園。
• 戶外活動：大型泳池、水上樂園、機動遊戲、騎馬、射擊等（視乎度假村規模）。

所以就算唔係個個旅伴都鍾意浸溫泉，都唔怕會悶親！

睇完以上詳盡嘅深圳溫泉及大灣區溫泉推介，係咪已經搵到心水嘅度假地點呢？由交通、價錢、特色到主題分類，呢份攻略都為你一一剖析。無論你係計劃緊快閃一日遊，定係兩日一夜嘅深度放鬆之旅，相信呢篇懶人包都能夠幫你輕鬆規劃下一個溫泉假期！