近年北上深圳消費成為港人熱門活動，當中CP值極高的深圳自助餐更是聚會慶祝首選。
面對五花八門的酒店Buffet，點樣揀先至最抵食、最高質？
今次深圳貓就為大家整合了最新最詳盡的2026深圳自助餐攻略，精選15間橫跨福田、羅湖、南山等區的人氣推介。
無論你追求$100有找的極致性價比、任食龍蝦生蠔的海鮮盛宴，還是適合情侶約會的高空靚景餐廳，本文都會為你逐一分析，並附上最新預訂優惠及交通指南，助你輕鬆覓食！
【深圳貓 x Klook 獨家優惠碼】經本網站指定鏈結，於 Klook 中國內地活動滿 HK$100 並輸入優惠碼【NTSY25CN】，即享94折優惠！快啲 save 低呢個優惠碼，下次去深圳用啦！
【福田區】深圳酒店自助餐推介
福田區是港人北上最方便、最熱門的區域，鄰近福田口岸和高鐵站，區內五星級酒店林立，自助餐選擇又多又高質，是不少人的首選。
1. 深圳福田香格里拉大酒店．鮮Café
福田香格里拉的「鮮Café」提供多元化的環球美食，包括即撈即煮嘅鮮活海鮮、日式刺身、即席燒烤進口肉類等。
最大特色係可以同時歎到牛羊肉火鍋同特色蒸海鮮，加上選擇豐富嘅中式粥麵同甜品區，適合一家大細口味。
- 📍地址：深圳福田區益田路4088號1層
- ⏰營業時間：24小時營業 (自助餐特定時段)
- 🚇前往方法：深圳地鐵11號線福田站10號出口
- 💰收費：約 ¥368起
- 👉 按此預訂即享優惠
2. 深圳大中華希爾頓酒店．「念」全日制餐廳
要講深圳自助餐嘅CP值之王，一定非大中華希爾頓莫屬！
午市最平HK$158起，就可以任食即開生蠔、螃蟹、大大隻龍蝦、刺身、鵝肝等，連酒水都係任飲，絕對係回本首選，長期爆滿，記得一定要提早預訂！
- 📍地址：深圳市福田區深南大道1003號大中華國際金融中心B座2樓
- ⏰營業時間：自助午餐 11:30-14:30；自助晚餐 17:30-22:00
- 🚇前往方法：深圳地鐵2號線崗廈北站16號口
- 💰收費：自助午餐 HK$158起｜自助晚餐 HK$223起
- 👉 按此預訂即享優惠
3. 深圳東海朗廷酒店．秀·Silk自助餐廳
朗廷酒店嘅自助餐一向有品質保證。「秀·Silk自助餐廳」提供生猛海鮮如波士頓龍蝦、帝皇蟹，亦有即煎鵝肝同威靈頓牛扒。
最特別係設有「蘭州拉麵」檔，可以欣賞師傅即場拉麵，口味正宗。pink pink嘅甜品區亦係打卡熱點！
- 📍地址：深圳福田區深南大道7888號東海朗廷酒店2樓
- ⏰營業時間：自助午餐 12:00-14:30；自助晚餐 17:30-22:00
- 🚇前往方法：深圳地鐵車公廟站B出口
- 💰收費：每位 HK$197起 (午市) / HK$287起 (晚市)
- 👉 按此預訂即享優惠
4. 深圳四季酒店．馥自助餐廳
作為深圳頂級豪華酒店，四季酒店嘅「馥」餐廳環境典雅，服務細緻。海鮮自助餐以食材新鮮豐富見稱，任食龍蝦、生蠔、扇貝等。甜品區非常出名，各式糕點琳瑯滿目，必試用鮮草莓製作、甜而不膩嘅草莓慕斯！
- 📍地址：深圳市福田區福華三路138號
- ⏰營業時間：自助午餐 12:00-14:30；自助晚餐 18:00-22:00
- 🚇前往方法：深圳地鐵會展中心站步行約3分鐘
- 💰收費：每位約 ¥417起
- 👉 按此預訂即享優惠
5. 深圳柏悅酒店．皓堂
想搵間靚景餐廳慶祝？位於柏悅酒店47樓嘅「皓堂」絕對係首選。
餐廳擁有270度全景落地窗，可以邊食邊欣賞高空城景。海鮮自助晚餐主打任食帝王蟹腳、大閘蟹、波士頓龍蝦，加上精美甜品，環境浪漫優雅，啱晒情侶約會或慶祝紀念日。
- 📍地址：廣東省深圳市福田區益田路5023號深圳柏悅酒店47層
- ⏰營業時間：週四至週六 18:00-21:30 (自助晚餐)
- 🚇前往方法：深圳地鐵1/3號線購物公園站D出口步行約110米
- 💰收費：每位 HK$415起
- 👉 按此預訂即享優惠
6. 金茂深圳JW萬豪酒店．Café Chinois自助餐廳
呢間深圳自助餐CP值亦相當高！最平只需HK$169起，就可以歎到五星酒店級數美食。
餐廳設有「現撈鮮烹蒸汽活海鮮」區，提供即撈即蒸嘅新鮮海鮮，另有老虎蟹、羅氏蝦等冰鎮海鮮。肉食方面有優質牛扒、羊扒，連乾式熟成牛扒都有，食材毫不馬虎。
- 📍地址：廣東省深圳市福田區深南大道6005號
- ⏰營業時間：自助午餐 12:00-14:00；自助晚餐 18:00-21:00
- 🚇前往方法：深圳地鐵1號線車公廟站J1出口步行約750米
- 💰收費：每位 HK$169起
- 👉 按此預訂即享優惠
7. 深圳温德姆至尊酒店．趣味·海鮮自助餐廳
溫德姆至尊酒店自助餐同樣係性價比之選，午餐時段會贈送黃金小米扣海參，晚餐時段則贈送特色焗龍蝦！
海鮮刺身檔有任食生蠔、蝦蟹、螺類等時令海鮮，出品備受好評。熱食亦有牛排、串燒、點心等，選擇多多。
- 📍地址：深圳福田區彩田路2009號瀚森大廈3樓
- ⏰營業時間：自助午餐 12:00-14:30；自助晚餐 17:30-21:30
- 🚇前往方法：深圳地鐵1/10號線崗廈站D出口
- 💰收費：每位 HK$193起
- 👉 按此預訂即享優惠
8. 皇庭V酒店．V Café全日制餐廳
位於皇庭V酒店26樓嘅V Café，可以俯瞰福田城市景色，長期人氣爆滿。
餐廳供應過百款菜式，最受歡迎嘅係限量焗龍蝦，另外仲有刺身、瀨尿蝦、鵝肝、澳洲牛小排等。餐廳亦設有自助小火鍋，提供兩種湯底及多種涮肉青菜，滿足唔同口味。
- 📍地址：深圳福田區金田路2028號皇庭V酒店26樓
- ⏰營業時間：06:30 – 21:00 (自助餐特定時段)
- 🚇前往方法：深圳地鐵1/4號線會展中心站D出口
- 💰收費：每位約 ¥170起
- 👉 按此預訂即享優惠
9. 深鮮·5D概念海鮮烤肉自助餐廳
想試啲新嘢？呢間主打「沉浸式」用餐體驗嘅自助餐你一定要試！
餐廳用LED屏幕打造5D海洋影像，令你彷彿置身海底世界。食物方面以火鍋+烤肉+現點現蒸三重體驗作招徠，任食大白蝦、紐西蘭活青口、螃蟹等，晚餐更有三文魚刺身，打卡玩味十足！
- 📍地址：深圳市福田區福華三路118號皇庭廣場G-12
- ⏰營業時間：11:30-22:00 (自助餐特定時段)
- 🚇前往方法：深圳地鐵1/4號線會展中心站直達
- 💰收費：每位約 ¥150起
- 👉 按此預訂即享優惠
10. 深圳福朋喜來登酒店．桂花標幟餐廳
鄰近福田口岸，地理位置優越。餐廳由技藝精湛的大廚團隊主理，無論海鮮大餐、日本料理、燒烤定甜品都應有盡有。
甜品區提供多達20種精緻甜品，賣相吸引，螞蟻人必去！
- 📍地址：深圳市福田區福田保稅區桂花路5號
- ⏰營業時間：自助午餐 (六日) 12:00-14:30；自助晚餐 18:00-21:30
- 🚇前往方法：深圳地鐵4號線福田口岸站B出口 (需轉乘交通工具)
- 💰收費：每位 HK$174起
- 👉 按此預訂即享優惠
【羅湖區】深圳自助餐推介
羅湖是另一個港人北上的主要關口，區內交通網絡成熟，亦有不少老牌五星酒店及人氣食肆，提供高質素的深圳自助餐選擇。
1. 深圳瑞吉酒店．Social秀餐廳
號稱深圳最高嘅五星級酒店，其自助餐廳「Social秀」位於95樓，提供震撼嘅雲端高空景觀，無論日夜都超級靚，絕對係慶祝之選。
食物方面提供國際美食，包括任食即開生蠔、小龍蝦、現煎鵝肝、威靈頓牛扒，甚至有片皮鴨同大阪燒，甜品更有任食Movenpick雪糕，CP值極高！
- 📍地址：深圳羅湖區深南東路5016號京基100大廈A座瑞吉酒店95樓
- ⏰營業時間：自助午餐 12:00-14:30；自助晚餐 18:00-21:30
- 🚇前往方法：深圳地鐵1號線大劇院站
- 💰收費：每位約 ¥298起
- 👉 按此到官網預訂
2. 深圳君悦酒店．樂廚·自助餐
君悅酒店嘅「樂廚」自助餐向來人氣高企，位於酒店32樓，同樣可俯瞰城市景觀。
餐廳以海鮮類最受歡迎，必食推介包括龍蝦、鮮鮑魚、生蠔、扇貝等多樣海鮮，亦有頂級烤羊排、澳洲牛扒等。開放式廚房設有五個獨立餐飲專區，選擇極多。
- 📍地址：深圳羅湖區宝安南路1881号君悦酒店32樓
- ⏰營業時間：自助午餐 12:00-14:30；自助晚餐 17:30-21:30
- 🚇前往方法：深圳地鐵大劇院站C出口
- 💰收費：每位約 ¥298起
- 👉 按此預訂即享優惠
3. 舟市水產自助餐
如果唔想局限於酒店，呢間人氣水產店自助餐係必試之選！主打120分鐘任點任食，海鮮全部係鮮活即煮，無限量供應！
必食推介有爆膏羅氏蝦、阿拉斯加蟹膏、紅花蟹等。最邪惡嘅係有炙燒金枕榴槤任食，榴槤控一定失控！
- 📍地址：深圳羅湖區田心社區寶安北路3008號寶能中心環球滙商場5樓
- ⏰營業時間：11:30-14:00；17:00-21:30
- 🚇前往方法：深圳地鐵笋崗站E出口
- 💰收費：每位約 ¥228起
4. 深圳彭年萬麗酒店．雲景軒旋轉餐廳
想體驗深圳獨一無二嘅高空景觀餐廳？位於酒店50樓嘅雲景軒係深圳少有嘅360度旋轉餐廳，每2小時旋轉一圈，可以邊食邊欣賞深港兩地景色。
自助餐提供豐富嘅西式及亞洲美食，海鮮、牛排、甜品等應有盡有，係打卡同慶祝紀念日嘅好地方。
- 📍地址：深圳市羅湖区嘉賓路2002號
- ⏰營業時間：自助午餐 12:00-14:00；自助晚餐 18:00-21:30
- 🚇前往方法：深圳地鐵1號線國貿站
- 💰收費：每位約 ¥250起
- 👉 按此預訂即享優惠
5. 深圳香格里拉酒店．香咖啡
羅湖區嘅香格里拉酒店歷史悠久，自助餐質素穩定。餐廳環境寬敞，設全景落地窗。海鮮選擇多，提供近20種刺身和海鲜，如挪威三文魚、阿拉斯加蟹腿等。
另有法式炙烤戰斧牛排、冬陰功海鮮火鍋等特色菜，飲品選擇亦非常多樣。
- 📍地址：深圳市羅湖區建設路1002號
- ⏰營業時間：自助午餐 12:00-14:30；自助晚餐 17:30-22:00
- 🚇前往方法：鄰近羅湖口岸及深圳火車站
- 💰收費：每位HK$201起
- 👉 按此預訂即享優惠
6. 深圳華安國際大飯店．自助餐
追求極致平價之選？華安國際大飯店自助午餐最平$100有找！
雖然價錢平，但海鮮絕不手軟，任食螃蟹而且補貨速度快，保證新鮮爆膏。刺身亦有鯛魚、醋鯖魚等。另外仲有藥膳滋補湯底火鍋，可以任食肥牛肥羊，CP值高到難以置信！
- 📍地址：廣東省深圳市羅湖區寶安南路2001號1樓
- ⏰營業時間：自助午餐 11:30-14:00
- 🚇前往方法：鄰近深圳地鐵大劇院及老街站
- 💰收費：每位HK$97起
- 👉 按此預訂即享優惠
【南山區．龍華區．寶安區．龍崗區】深圳酒店自助餐推介
除了福田和羅湖，深圳其他區域亦有唔少隱世高質自助餐，尤其適合去深圳2日1夜的朋友，在壹方城、山姆（龍華店）、觀瀾湖等新興景點玩樂後，順道大擦一餐！
南山區：深圳博林天瑞喜來登酒店．西麗尚膳
呢間自助餐嘅海鮮非常出色，特別是無限量的新鮮龍蝦和大個新鮮冰島蠔。
這家深圳酒店自助餐還提供各種其他優質海鮮和多種口味的小龍蝦，非常適合喜歡吃海鮮的朋友！
- 📍地址：深圳市南山區留仙大道4088號
- 🚇前往方法：鄰近西麗高鐵站
- 💰收費：每位晚餐約 ¥350起
- 👉 按此預訂即享優惠
南山區：深圳益田威斯汀酒店．知味自助餐廳
餐廳設有超過10個美食檔口，提供逾百種美食。海鮮區每日新鮮供應時令生蠔、基圍蝦、新西蘭青口等。
熱葷區特別推薦香煎法式鵝肝、烤澳洲西冷和香草烤羊排，味道極佳，選擇豐富。
- 📍地址：深圳市南山區深南大道9028號-2
- 🚇前往方法：深圳地鐵1號線世界之窗站
- 💰收費：每位晚餐約 ¥388起
- 👉 按此預訂即享優惠
南山區：凱賓斯基酒店．四季餐廳
五星級酒店嘅頂級餐廳，用餐環境優雅，適合約會及家庭聚會。必食推介有新鮮龍蝦、阿拉斯加蟹腳、生蠔等頂級海產。
開放式烤肉區可以觀看大廚現場烹調優質牛肉、羊肉，肉汁豐富。
- 📍地址：南山區後海濱路與海德三道凱賓斯基酒店4樓
- ⏰營業時間：自助午餐 11:30-14:00；自助晚餐 17:30-21:30
- 🚇前往方法：深圳地鐵2/11號線后海站
- 💰收費：每位午餐約 ¥228起
- 👉 按此預訂即享優惠
龍華區：深圳硬石酒店．Sessions全日制餐廳
坐落於觀瀾湖度假區，啱晒去玩完順便醫肚。餐廳沿襲酒店嘅搖滾音樂風格，食物造型同裝潢都充滿驚喜。
食物方面任食現切牛肉、蝦蟹海鮮、三文魚刺身、烤羊排，全場無限量供應！
- 📍地址：深圳市龍華新區觀瀾高爾夫大道9號5樓
- ⏰營業時間：(三至日) 自助午餐 11:30-14:30；自助晚餐 18:00-21:00
- 🚇前往方法：深圳地鐵4號線觀瀾湖站D/E出口
- 💰收費：每位約 ¥200起
- 👉 按此預訂即享優惠
龍華區：深圳龍華希爾頓逸林酒店．「開」全日制餐廳
鄰近深圳北站，食完搭高鐵返香港超方便！
餐廳擁有180°大落地窗，景觀開揚。晚餐特色係鹽烤牛上腦，海鮮美食則有雪蟹腳、蒜蓉烤生蠔、半隻芝士焗龍蝦等，高奢浪漫之選。
- 📍地址：深圳東環二路8號希爾頓逸林飯店2樓
- ⏰營業時間：自助午餐 12:00-14:30；自助晚餐 17:30-21:30
- 🚇前往方法：深圳地鐵4號線清湖站D出口
- 💰收費：每位HK$217起
- 👉 按此預訂即享優惠
寶安區：深圳機場凱悅酒店．咖啡廳
呢間酒店自助餐有個獨一無二嘅賣點，就係特設「小小飛行員體驗套餐」！有資深航空專家同飛行員教練，帶小朋友從科學角度了解航空航天知識。
食物方面，提供小火鍋任食，仲有駐唱歌手表演，非常適合親子家庭。
- 📍地址：深圳市寶安區空港八道寶安國際機場T3航站樓西側
- ⏰營業時間：自助晚餐 17:30-21:30
- 🚇前往方法：深圳地鐵11號線機場站C出口
- 💰收費：每位晚餐約 ¥300起
- 👉 按此預訂即享優惠
寶安區：安蒂婭美蘭酒店．海鮮餐廳
酒店提供五星級品質嘅高奢菜品，設有現撈海鮮檔，保證原汁原味。
最特別係每位客人都會贈送位上鮑汁扣四頭鮑，盡享頂級粵菜體驗，而且價格親民，經 KKday 預訂自助午餐曾低至HK$96起！
再者，酒店十分鄰近華發冰雪熱雪奇蹟，適合深圳滑雪後吃大餐醫肚。
- 📍地址：深圳寶安區西鄉街道水庫路108號
- 🚇前往方法：位置稍偏，建議乘的士前往
- 💰收費：每位HK$96起 (視乎平台優惠)
- 👉 按此預訂即享優惠
龍崗區：隱秀山居酒店．秀廚自助餐廳
酒店位於高爾夫球場內，環境清幽，坐擁落地大玻璃，自然景色優美。
自助餐被譽為高品質之選，提供澳洲生蠔刺身、龍蝦、大閘蟹等高等級食材，甜品更有滋補嘅椰汁燉雪蛤，適合想遠離煩囂，享受慢活度假嘅朋友。
- 📍地址：深圳龍崗區隱秀高爾夫俱樂部
- ⏰營業時間：自助午餐 11:30-14:00；自助晚餐 18:00-21:00
- 🚇前往方法：深圳地鐵14號線嶂背站A出口
- 💰收費：每位約 ¥228起
- 👉 按此預訂即享優惠
15間人氣深圳自助餐比較
為咗等你一目了然，深圳貓整理咗以下表格，快速比較各間人氣深圳自助餐嘅重點資訊！
| 餐廳名稱 | 價錢 (午市) | 價钱 (晚市) | 必食回本菜式 | 交通方便度 | 預訂平台 |
|---|---|---|---|---|---|
| 【福田】大中華希爾頓酒店 | HK$158起 | HK$223起 | 即開生蠔、螃蟹、鵝肝 | ⭐⭐⭐⭐⭐ (崗廈北站) |
Klook, KKday, Trip.com |
| 【福田】東海朗廷酒店 | HK$197起 | HK$287起 | 帝皇蟹、威靈頓牛扒、蘭州拉麵 | ⭐⭐⭐⭐ (車公廟站) |
Klook, KKday |
| 【福田】金茂JW萬豪酒店 | HK$169起 | HK$250起 | 即撈蒸海鮮、乾式熟成牛扒 | ⭐⭐⭐⭐ (車公廟站) |
Klook |
| 【福田】皇庭V酒店 | 約¥170起 | 約¥250起 | 限量焗龍蝦、鵝肝、牛小排 | ⭐⭐⭐⭐⭐ (會展中心站) |
Klook, KKday |
| 【福田】銘門盛宴 | 約¥397起 | 約¥497起 | 法國生蠔、海膽、龍蝦刺身 | ⭐⭐⭐⭐⭐ (會展中心站) |
美團, 大眾點評 |
| 【羅湖】瑞吉酒店 | 約¥298起 | 約¥588起 | 即開生蠔、鵝肝、高空景觀 | ⭐⭐⭐⭐ (大劇院站) |
官網預訂 |
| 【羅湖】君悦酒店 | 約¥298起 | 約¥428起 | 龍蝦、鮮鮑魚、烤羊排 | ⭐⭐⭐⭐ (大劇院站) |
Klook |
| 【羅湖】舟市水產 | 約¥228起 | 約¥258起 | 爆膏羅氏蝦、炙燒榴槤 | ⭐⭐⭐ (笋崗站) |
美團, 大眾點評 |
| 【羅湖】華安國際大飯店 | HK$97起 | 不適用 | 任食螃蟹、火鍋 | ⭐⭐⭐⭐ (大劇院站) |
KKday |
| 【南山】博林天瑞喜來登 | 不適用 | 約¥350起 | 不限量龍蝦、冰島生蠔 | ⭐⭐⭐ (近西麗站) |
Klook, KKday |
| 【龍華】硬石酒店 | 約¥200起 | 約¥280起 | 現切牛肉、蝦蟹海鮮 | ⭐⭐⭐ (觀瀾湖站) |
Klook, KKday |
| 【龍華】龍華希爾頓逸林酒店 | HK$217起 | HK$300起 | 芝士焗龍蝦、鹽烤牛上腦 | ⭐⭐⭐ (清湖站) |
Klook, KKday |
| 【寶安】機場凱悅酒店 | 不適用 | 約¥300起 | 小小飛行員體驗、小火鍋 | ⭐⭐ (機場站) |
KKday |
| 【寶安】安蒂婭美蘭酒店 | HK$96起 | HK$150起 | 位上鮑汁扣四頭鮑 | ⭐ (建議的士) |
Klook, KKday |
| 【龍崗】隱秀山居酒店 | 約¥228起 | 約¥288起 | 椰汁燉雪蛤、澳洲生蠔 | ⭐⭐ (嶂背站) |
Klook, KKday |
*溫馨提示：以上價錢為約數，實際收價及優惠請以預訂平台及餐廳當日公佈為準【Klook 預訂自助餐 | KKday 預訂自助餐 | Trip.com 預訂自助餐】
為何北上深圳食自助餐？
近年每逢週末或短假期，北上深圳消費已成為不少港人的指定動作。（如果你未了解深圳有咩玩，不妨參考一下這篇【深圳最新景點】的文章！）
在眾多深圳美食當中，深圳自助餐以其無可匹敵的吸引力脫穎而出，成為港人尋覓美食之旅的熱門選擇。
想同一大班朋友或家人慶祝生日節日，又唔知食咩好？深圳自助餐絕對係不二之選，一次過滿足晒所有人嘅願望！
超高性價比：二百蚊有找歎酒店級美食
同香港酒店自助餐動輒過千蚊相比，深圳自助餐嘅價錢極具競爭力。
唔少五星級酒店如希爾頓 (Hilton)、喜來登 (Sheraton) 等，自助午餐只需港幣$160起，晚餐亦只需二百幾蚊，就可以享受到酒店級數嘅環境同服務，CP值爆燈！
食材豐富回本快：任食生蠔、龍蝦、鵝肝
深圳自助餐絕不「將貨就價」，食材陣容非常鼎盛！
冰鎮海鮮盤上嘅即開生蠔、波士頓龍蝦、長腳蟹、鮑魚只是基本，唔少餐廳更有現煎鵝肝、威靈頓牛扒、片皮鴨等回本美食，加上多國菜式熱盤、刺身壽司、精緻甜品，保證令你大飽口福，輕鬆食回本！
交通選擇多：鄰近口岸及地鐵站，方便快捷
好多人氣深圳自助餐都選址於交通便利嘅地點，尤其集中在福田及羅湖區（尚未了解深圳區域的朋友，不妨看看這個【深圳旅遊地圖】！）
大部分酒店餐廳都鄰近地鐵站，由福田或羅湖口岸過關後，搭幾個站地鐵即可直達，非常方便！（延伸閱讀：香港/深圳交通懶人包）
食完仲可以順便去附近商場shopping，行程安排極具彈性。
2026深圳自助餐懶人包
為咗方便大家快速鎖定心水之選，深圳貓為你整理咗呢個深圳自助餐懶人包，無論你係追求極致性價比、頂級海鮮盛宴，定係想搵間靚景餐廳打卡，以下內容都能滿足你！
編輯精選Top 5必食推介
- CP值之王：深圳大中華希爾頓酒店 – 午市最平$158起，任食即開生蠔、螃蟹，平絕五星酒店！【Klook 訂座優惠 | KKday 訂座優惠 | Trip.com 訂座優惠】
- 高空景觀首選：深圳瑞吉酒店 – 坐落95樓雲端，俯瞰深圳璀璨夜景，慶祝紀念日必去。
- 海鮮極致奢華：銘門盛宴·藝術海鮮姿造 – 任食法國生蠔、海膽、龍蝦刺身，海鮮控嘅天堂。
- 親子玩樂之選：深圳機場凱悅酒店 – 特設「小小飛行員體驗」，啱晒帶小朋友寓教於樂。【KKday 訂座優惠】
- 整體質素最高：深圳東海朗廷酒店 – 食材選擇豐富且質素超班，有齊帝皇蟹、鵝肝同威靈頓牛扒。【Klook 訂座優惠 | KKday 訂座優惠】
地區快速索引 (福田 / 羅湖 / 南山等)
延伸閱讀：【深圳旅遊地圖】港人自由行必備深圳地圖！10大區景點、地鐵口岸、主題路線、住宿美食懶人包
最新自助餐優惠代碼及預訂平台
想訂深圳自助餐慳到盡？記得善用各大旅遊預訂平台！
- Klook、KKday、Trip.com：呢啲平台經常會推出限時優惠，價錢隨時比現場買平一截！好多$200樓下嘅優惠都係喺呢度搵到。
- 優惠碼/信用卡優惠：預訂前記得search下有冇最新優惠碼 (Promo Code)，或者配合指定信用卡簽賬，折上折更抵！
- 提前預訂：尤其係週末同假日，熱門餐廳非常爆滿，一定要提前幾日甚至一個禮拜預訂！
【深圳貓 x Klook 獨家優惠碼】經本網站指定鏈結，於 Klook 中國內地活動滿 HK$100 並輸入優惠碼【NTSY25CN】，即享94折優惠！快啲 save 低呢個優惠碼，下次去深圳用啦！
主題式深圳自助餐推薦
深圳自助餐選擇花多眼亂，唔知點揀好？以下按唔同主題為你分類，幫你快速搵到最啱心水嘅一間！
🦞 海鮮迷天堂：主打任食生蠔、龍蝦、長腳蟹
- 銘門盛宴·藝術海鮮姿造：主打超豪華刺身拼盤，任食法國生蠔、龍蝦、海膽，堪稱深圳最豪氣海鮮自助餐。
- 舟市水産自助餐：限時任點任食，主打爆膏羅氏蝦、阿拉斯加蟹膏、紅花蟹等鮮活海產。
- 深圳博林天瑞喜來登酒店：以不限量供應嘅新鮮龍蝦同肥美冰島生蠔聞名。【Klook 訂座優惠 | KKday 訂座優惠】
🌃 高空景觀之選：情侶約會打卡必去
- 深圳瑞吉酒店 (95樓)：喺京基100大廈高層，俯瞰深圳灣景致，環境同景觀都係頂級。
- 深圳柏悅酒店 (47樓)：設有270度全景落地窗，邊食海鮮邊欣賞城市夜景，浪漫滿分。【Klook 訂座優惠】
- 深圳彭年萬麗酒店 (50樓)：獨有360度旋轉餐廳，每2小時轉一圈，盡覽深港兩地景色。【Klook 訂座優惠】
👨👩👧👦 親子友善餐廳：設兒童遊樂區或體驗活動
- 深圳機場凱悅酒店：特設「小小飛行員體驗套餐」，有專人教小朋友航空知識，非常特別。【KKday 訂座優惠】
- 深圳硬石酒店：餐廳裝潢充滿搖滾音樂風格，食物造型都有驚喜，啱晒活潑好動嘅家庭。【Klook 訂座優惠 | KKday 訂座優惠】
💰 CP值之王：HK$200以下高質推介
- 深圳大中華希爾頓酒店：午市最平HK$158起，有齊生蠔、螃蟹、刺身，性價比極高。【Klook 訂座優惠 | KKday 訂座優惠 | Trip.com 訂座優惠】
- 金茂深圳JW萬豪酒店：HK$169起就歎到即撈即蒸海鮮同乾式熟成牛扒，超值！【Klook 訂座優惠】
- 皇庭V酒店：每位約¥170起，有限量焗龍蝦、鵝肝同澳洲牛小排，非常抵食。【Klook 訂座優惠 | KKday 訂座優惠】
- 深圳華安國際大飯店：最平$100有找，任食螃蟹而且補貨快，平價之選。【KKday 訂座優惠】
🔥 特色體驗：5D沉浸式 / 旋轉餐廳 / 任食火鍋
- 深鮮·5D概念海鮮烤肉自助餐廳：全間餐廳被LED 5D影像包圍，猶如置身海底世界用餐，打卡一流！【Klook 訂座優惠 | KKday 訂座優惠】
- 深圳彭年萬麗酒店：深圳稀有嘅高空旋轉餐廳，適合特別紀念日。【Klook 訂座優惠】
- 深圳福田香格里拉大酒店：除咗海鮮，仲可以嘆埋牛羊肉火鍋同特色蒸海鮮，一餐多食。【Klook 訂座優惠 | KKday 訂座優惠】
深圳自助餐預訂攻略及常見問題
掌握以下攻略同資訊，可以幫你嘅深圳自助餐之旅更順暢、更抵玩！
如何選擇最適合你的自助餐？
- 按旅伴選擇：如果係情侶約會或慶祝纪念日，可以揀瑞吉酒店、柏悅酒店等高空景觀餐廳；如果係家庭樂，可以考慮有特色體驗嘅機場凱悅酒店或食物選擇大眾化嘅福田香格里拉。
- 按主題選擇：如果你係海鮮狂迷，目標係食盡生蠔龍蝦，就直奔銘門盛宴、舟市水產等主打海鮮嘅餐廳。如果追求性價比，就鎖定$200樓下嘅大中華希爾頓、JW萬豪。
- 按行程選擇：配合你當日行程，例如去福田shopping就揀福田區酒店；去山姆龍華店就可以考慮龍華區嘅酒店，慳返交通時間。
點樣預訂最抵？(善用預訂平台/優惠碼)
千祈唔好walk-in！經網上平台預訂通常最抵。第一步，先喺 Klook、KKday、Trip.com 等平台格價，睇下邊間做紧優惠。
第二步，付款前上網Google搜尋「Klook 優惠碼」、「KKday 優惠碼」等關鍵字，睇下有冇額外折扣。
第三步，留意平台有冇同指定信用卡合作，用啱信用卡付款可能會有即時折扣或額外回贈！
前往各區交通方式
- 福田區：最方便！搭東鐵綫到落馬洲站，過關後即達福田口岸，直接轉乘深圳地鐵4號或10號線。或乘高鐵到福田站。
- 羅湖區：搭東鐵綫到羅湖站，過關後直駁深圳地鐵1號線。
- 其他區域：可以先搭地鐵到市中心，再轉乘其他線路。如果目的地較偏遠或多人同行，搭的士或Call Didi（滴滴出行）可能更具成本效益。
- 直通巴士：現時亦有跨境直通巴士由香港市區直達深圳灣口岸、山姆超市等熱點，係另一個方便快捷嘅選擇。
延伸閱讀：香港/深圳交通懶人包、深圳旅遊地圖
深圳自助餐FAQ (生日優惠/付款方式)
Q：深圳自助餐有冇生日優惠？
A：部分酒店會提供生日優惠，例如贈送生日蛋糕、同行寿星免費或半價等，但政策經常變動。最穩陣嘅做法係預訂時或用餐前直接致電餐廳查詢最新嘅生日優惠詳情。
Q：喺深圳食自助餐可以用咩方式付款？
A：內地主流付款方式為電子支付，包括 WeChat Pay (微信支付) 及 Alipay (支付寶)。現時香港版WeChat Pay HK及AlipayHK已可在內地大部分商戶使用，非常方便。部分五星級酒店亦接受VISA、Mastercard等國際信用卡，但為免不便，建議最好開通定其中一種電子支付工具傍身。
Q：深圳自助餐需要提前預約嗎？
A：強烈建議！尤其係週末、公眾假期以及人氣高企嘅餐廳，walk-in好大機會冇位。透過 Klook、KKday、Trip.com 等平台預訂，不但有優惠，亦等於留位，一舉兩得。
睇完以上15間深圳自助餐的詳盡介紹同大比拼，相信你已經搵到心水之選！
下次約朋友家人北上慶祝，不妨參考呢份全方位攻略，善用預訂貼士，用最抵嘅價錢歎盡酒店級數的豪華盛宴，享受一趟滿足的深圳美食之旅！
深圳貓編 Sally，來自香港嘅90後女生，在家係貓奴，在外係社畜。放假鍾意周圍去，發掘唔同嘅地方。自從疫情通關後已北上深圳超過100次，鍾意深圳夠近夠方便、又平又好多嘢食！週末假期會去深圳行街、按摩、食嘢，整理成旅遊攻略分享。希望大家以後去深圳，都會嚟搵深圳貓，記得貓咪伴你行！
發表留言