週末想帶小朋友北上深圳快閃「放電」，但面對五花八門嘅深圳親子酒店，唔知點樣揀？
有啲賣點係房內滑梯，有啲主打水上樂園，花多眼亂，好難決定！
今次小編為你整合最新深圳親子酒店推介，精選15間高CP值酒店，並劃分成「房內放電」、「一站式度假村」和「交通方便」三大類，更附有交通懶人包同預訂貼士，無論你嘅預算同需求係點，呢篇攻略都可以幫你輕鬆搵到最啱心水嘅選擇！
【深圳貓 x Klook 獨家優惠碼】經本網站指定鏈結，於 Klook 中國內地活動滿 HK$100 並輸入優惠碼【NTSY25CN】，即享94折優惠！快啲 save 低呢個優惠碼，下次去深圳用啦！
15大深圳親子酒店推薦 (附快速比較總表)
為咗方便各位爸爸媽媽快速鎖定心水酒店，我哋整合咗15間各具特色嘅深圳親子酒店，涵蓋唔同區域同賣點。
無論你係追求房內放電、一站式度假定係交通方便，呢個總表都可以幫到你！
| 酒店名稱 | 區域 | 核心賣點 | 交通參考 | 參考價錢 (HKD) |
|---|---|---|---|---|
| 深圳憬居酒店 | 福田區 | 多款主題房(滑梯/波波池)、鄰近地鐵站 | 地鐵「景田站」步行2分鐘 | $550起 |
| 深圳華僑城洲際大酒店 | 南山區 | 市區罕見人造沙灘、大型水樂園、Playhouse | 地鐵「華僑城站」步行3分鐘 | $1,500起 |
| 深圳觀瀾湖度假酒店 | 龍華區 | 巨型度假村、生態體育園、卡魯冰雪世界 | 地鐵「觀瀾湖站」轉免費穿梭巴士 | $900起 |
| 深圳小涼帽之家酒店 | 龍崗區 | 卡通主題、房內滑梯、位於甘坑客家小鎮內 | 地鐵「甘坑站」步行15分鐘 | $1,000起 |
| 深圳龍崗珠江皇冠假日酒店 | 龍崗區 | 大型Playhouse連親子餐廳、兒童歡迎禮包 | 地鐵「龍城廣場站」步行15分鐘 | $800起 |
| 深圳硬石酒店 | 龍華區 | Roxity™兒童俱樂部、天台泳池、音樂主題 | 地鐵「觀瀾湖站」轉免費穿梭巴士 | $950起 |
| 深圳大梅沙京基洲際度假酒店 | 鹽田區 | 私家沙灘、無敵海景、戶外小火車及木馬 | 地鐵8號線「大梅沙站」步行可達 | $1,400起 |
| 深圳益田威斯汀酒店 | 南山區 | 直達世界之窗地鐵站、連接益田假日廣場 | 地鐵「世界之窗站」步行2分鐘 | $1,100起 |
| 深圳蛇口希爾頓南海酒店 | 南山區 | 日式風格「南海翼」、鄰近海上世界、兒童遊樂場 | 地鐵「海上世界站」步行15分鐘 | $1,000起 |
| 空與海美宿 | 南澳 | Ins風設計、房內滑梯波波池、鄰近沙灘 | 蓮塘口岸的士約50分鐘 | $900起 |
| 深圳東部華僑城黑森林嘉途酒店 | 鹽田區 | 德式童話城堡風格、位於東部華僑城度假區內 | 地鐵8號線轉巴士直達 | $700起 |
| 深圳博林天瑞喜來登酒店 | 南山區 | 卡通冒險主題親子房、鄰近大學城 | 地鐵「大學城站」步行5分鐘 | $950起 |
| 福田區 | 華強北商圈、公寓式設計(廚房洗衣機)、頂樓泳池 | 地鐵「華強路站」步行5分鐘 | $850起 | |
| 深圳威尼斯英迪格酒店 | 南山區 | 威尼斯古典風、鄰近歡樂谷/世界之窗、歐式園林 | 地鐵「世界之窗站」步行3分鐘 | $1,200起 |
| 阿卡那拉·深圳橘子海度假美宿 | 南澳 | 坐擁海景、設波波池/兒童圖書館、可玩獨木舟 | 建議的士或自駕前往 | $1,100起 |
【深圳親子酒店】房內放電之選：5間設有滑梯/波波池的主題房酒店
想小朋友一入房就尖叫，全程乖乖留喺酒店？
咁就要揀呢幾間喺房內已經設有私人遊樂場嘅主題房酒店，滑梯、波波池係基本，仲有各式各樣嘅得意主題，大人細路都唔想走！
深圳憬居酒店
位於福田區「多巴胺彩虹大樓」婦兒大廈內，呢間酒店絕對係主題房嘅專家！
酒店設有9間超繽紛嘅「童趣Party」兒童主題房，包括「森林小屋」、「尋寶地圖」、「大象之屋」同「時光城堡」等。
當中最受歡迎嘅滑梯房「大象之屋」同「時光城堡」更有成4張床，最多可以住6個人，三代同堂或者約埋幾個家庭一齊玩都冇問題！
- 親子設施：房內大型滑梯、波波池、攀爬網，部分房型可住多達6人。6歲或以下小童可免費加嬰兒床。
- 地址：深圳福田區蓮花街道景華社區景田路78號婦兒大廈28樓
- 交通：地鐵2號/9號線「景田站」B出口步行約2分鐘。
- 預訂優惠：Trip.com｜永安旅遊
深圳小涼帽之家酒店
坐落喺龍崗區嘅甘坑客家小鎮裡面，呢間酒店以中國原創卡通「涼帽寶寶」為主題，成間酒店都充滿可愛嘅卡通元素，打卡位超多。
酒店嘅套房同家庭套房更加係複式設計，設有小朋友最愛嘅滑梯、搖搖板同兒童帳篷，好似住咗入主題樂園一樣！
而且酒店隔離就係農場同VR影院，喺小鎮內就可以玩足一日。
- 親子設施：房內滑梯、兒童玩具、繪本遊戲室、戶外泳池。
- 地址：深圳市龍崗區吉華街道甘坑客家小鎮
- 交通：地鐵10號線「甘坑站」下車後步行約15分鐘，或由羅湖口岸的士約35分鐘。
- 預訂優惠：Klook｜Trip.com
空與海美宿
位於深圳南澳第一沙灘旁邊，呢間2022年開幕嘅精品民宿主打文青ins風，而佢嘅「北歐海景小童滑梯房」就係專為親子家庭而設！
房間入面有大型滑梯，一瀡就直接滑入波波池，刺激又好玩。
房間更設有無敵海景浴缸，小朋友玩緊嘅時候，大人就可以望住個海浸浴放鬆，超寫意！
- 親子設施：房內大型滑梯、波波池、海景浴缸、戶外泳池。
- 地址：深圳市龍崗區南澳街道水頭沙社區銀沙路3號10號
- 交通：建議由蓮塘口岸的士前往，車程約50分鐘。或於蓮塘口岸轉乘E11號巴士。
- 預訂優惠：Trip.com｜Klook (預訂時要揀「北歐海景小童滑梯房」)
深圳龍崗珠江皇冠假日酒店
雖然距離市中心稍遠，但呢間酒店嘅親子設施絕對值得你專程到訪。
酒店嘅親子主題客房，由地毯到床單都佈滿可愛卡通公仔圖案，小朋友入住更可以收到專屬歡迎禮包，內有蠟筆、貼紙同積木等，驚喜十足！
重點係酒店有個超大型嘅「皇冠家族親子餐廳樂園」，有齊波波池、攀爬設施，住客仲可以免費任玩！
- 親子設施：卡通主題房、兒童入住禮包、大型免費Playhouse、室內泳池、兒童工作坊。
- 地址：深圳市龍崗區龍崗中心城龍翔大道9009號
- 交通：地鐵3號線「龍城廣場站」步行約15-20分鐘。
- 預訂優惠：Trip.com｜Klook
深圳博林天瑞喜來登酒店
想搵間有信譽保證嘅連鎖品牌酒店，又想有啲親子特色？
位於南山區嘅喜來登就提供咗充滿童趣嘅主題親子房。
房間設計融入唔同嘅卡通或冒險主題，色彩鮮明，並配有多款啱小朋友玩樂嘅設施，例如小型滑梯同帳篷，等小朋友一入房就可以開啟探索模式，打造屬於自己嘅小天地。
一站式度假村：5間擁有大型Playhouse/水上樂園酒店
如果你係追求一站式體驗、唔想頻撲嘅家庭，咁呢幾間巨無霸級嘅度假村酒店就最適合你。佢哋唔單止有住宿，仲自設沙灘、水上樂園同大型Playhouse，保證你留喺酒店範圍內都可以玩足兩日一夜，完全唔會悶！
深圳華僑城洲際大酒店 (自設沙灘水樂園)
喺深圳市區中心竟然可以有個沙灘？冇錯！呢間位於地鐵華僑城站旁嘅酒店，最出名就係擁有一個由三亞空運真沙打造嘅2,000平方米私人白沙灘！
酒店仲有逾萬平方米嘅加勒比海式花園、刺激嘅水上樂園（有巨型水上滑梯！）同佔地5,000平方米嘅超大兒童Playhouse「奇趣烏托邦」，簡直係一個迷你主題樂園，小朋友放電指數100分！
- 親子設施：人造真沙沙灘、大型水上樂園、巨型Playhouse「奇趣烏托邦」（室內外區域）、旋轉木馬、螢光晚會。
- 地址：深圳市南山區華僑城深南大道9009號
- 交通：地鐵1號線「華僑城站」步行約3分鐘。
- 預訂優惠：Klook｜Trip.com
深圳觀瀾湖度假酒店 (觀瀾湖生態圈)
深圳觀瀾湖絕對係「一站式度假」嘅代名詞。酒店坐落喺國家5A級景區內，成個度假區就好似一個小城市。
住客可以坐免費接駁車穿梭區內各大景點，包括生態體育園、工藝坊、反彈蹦床公園、保齡球館，甚至係全深圳首個大型室內滑雪場「卡魯冰雪世界」！
酒店本身亦有大型戶外泳池同兒童Playhouse，真係玩三日兩夜都玩唔哂！
- 親子設施：免費穿梭巴士玩盡整個觀瀾湖生態圈、戶外泳池、兒童Playhouse、鄰近冰雪世界及多個玩樂點。
- 地址：深圳市龍華新區觀瀾高爾夫大道1號
- 交通：地鐵4號線「觀瀾湖站」下車，轉乘酒店免費接駁巴士。
- 預訂優惠：Klook｜Trip.com
深圳硬石酒店 (Roxity™兒童俱樂部)
同樣位於觀瀾湖度假區，硬石酒店就將音樂同親子元素完美結合。
酒店嘅Roxity™兒童俱樂部係小朋友嘅天堂，住客可無限次進出，入面有機動遊戲玩。
酒店仲會舉辦親子烘焙班，又有天台戶外泳池，提供特色水泡，節目非常豐富。玩完酒店仲可以順便去埋觀瀾湖其他設施，動靜皆宜。
- 親子設施：Roxity™兒童俱樂部（無限次進出）、親子烘焙班、天台戶外泳池。
- 地址：深圳市龍華區龍華新區觀瀾高爾夫大道9號
- 交通：地鐵4號線「觀瀾湖站」下車，轉乘酒店免費接駁巴士。
- 預訂優惠：永安旅遊｜Trip.com
深圳大梅沙京基洲際度假酒店 (私家沙灘+小火車)
想搵個望住無敵大海景嘅度假村？位於大梅沙嘅京基洲際絕對係頂級之選。
酒店坐擁270度環抱海景同住客專用沙灘，水清沙幼人又少。
酒店親子設施超多，除咗必備嘅大大個波波池Playhouse，戶外仲有小朋友最愛嘅觀光小火車同旋轉木馬，充滿童話色彩！
部分親子主題套房更有潛入深海嘅設計，俾小朋友一個驚喜！
- 親子設施：住客專用沙灘、大型波波池、戶外小火車、旋轉木馬、兒童泳池水上滑梯、親子工作坊。
- 地址：深圳市鹽田區鹽葵路9號
- 交通：地鐵8號線「鹽田港西站」或「大梅沙站」下車轉的士約15分鐘。
- 預訂優惠：Klook｜Trip.com
深圳東部華僑城黑森林嘉途酒店 (鄰近主題樂園)
如果你嘅行程本身就係要去主題樂園，咁住喺樂園入面就最方便！呢間酒店位於東部華僑城度假區內，建築風格充滿濃厚嘅德式童話色彩，好似去咗歐洲黑森林一樣。
酒店提供多種主題親子房，例如森林動物、童話人物等，為小朋友打造一個夢幻住宿空間。最重要嘅係，一出酒店就可以玩轉大俠谷、茶溪谷等主題樂園，慳番好多交通時間。
- 親子設施：德式童話主題親子房、位於東部華僑城度假區內，鄰近大俠谷、茶溪谷等樂園。
- 地址：廣東省深圳市鹽田區梅沙街茵特拉根天麓街區旁
- 交通：地鐵8號線「鹽田路站」轉乘M520/M199巴士直達。
- 預訂優惠：Klook｜Trip.com
【深圳親子酒店推介】方便至上：5間鄰近地鐵商場的市區親子酒店
對於鍾意食嘢行街，又想方便周圍去嘅家庭，揀一間位於市區、鄰近地鐵站同大型商場嘅親子酒店就最實際。以下呢幾間酒店就係交通便利嘅典範，隨時落樓下就可以搵食同shopping！
深圳益田威斯汀酒店 (世界之窗站)
地點屈機之選！酒店就喺地鐵「世界之窗站」上面，步行2分鐘即達，仲要無縫連接益田假日廣場商場。
商場入面有大量餐廳、商店，仲有個Wooderful Life森活木育Playroom俾小朋友玩。
酒店本身有露天泳池，分咗成人同小童區，而房間窗外就可以望到歡樂谷同世界之窗嘅景色，地理位置無得輸。
- 親子設施：露天泳池（設小童區）、連接商場Playroom、鄰近各大主題樂園。
- 地址：深圳市南山區深南大道9028-2號
- 交通：地鐵1號/2號線「世界之窗站」A出口步行約2分鐘。
- 預訂優惠：Klook｜Trip.com
深圳蛇口希爾頓南海酒店 (海上世界)
如果你鍾意悠閒嘅海濱氣氛，蛇口希爾頓南海酒店係一個好選擇。
酒店分為「主樓」同「南海翼」，親子旅客強烈推薦入住日式渡假風格嘅「南海翼」，感覺更relax。
酒店設有室內外泳池同Kid Club，最正係酒店旁邊就係集美食、購物、娛樂於一身嘅「海上世界」，夜晚仲有音樂噴泉表演睇，帶住小朋友食嘢玩樂都非常方便。
- 親子設施：室內外泳池、Kid Club小型遊樂場、鄰近海上世界娛樂區。
- 地址：深圳市南山區望海路1177號
- 交通：地鐵2號/12號線「海上世界站」步行約15分鐘，或由蛇口碼頭乘的士前往。
- 預訂優惠：Klook｜Trip.com
深圳輝盛閣國際公寓 (華強北商圈)
帶住小朋友但又想行吓電子產品集中地華強北？呢間公寓式酒店就最啱你。
酒店融合酒店同公寓特色，房內有洗衣機、小型廚房等設施，方便處理小朋友嘅衣物同簡單餐飲。
酒店頂樓有無邊際泳池，可以欣賞CBD景色，亦設有迷你兒童樂園，大人細路都有節目，而且距離地鐵站僅300米，去邊都方便。
深圳威尼斯英迪格酒店 (華僑城區)
想有度假feel又唔想住得太遠？
呢間酒店充滿古典歐洲威尼斯風情，設計感十足。酒店坐落喺華僑城中心，周邊被歡樂谷、世界之窗、華僑城創意園等景點環繞，玩樂指數極高。
酒店設有室內圓形天窗泳池同室外露天泳池，仲提供單車租借服務，可以同小朋友一齊踩單車探索華僑城，享受悠閒親子時光。
- 親子設施：室內外泳池、歐式園林、單車租借服務、鄰近多個主題公園。
- 地址：深圳南山區華僑城深南大道9026號
- 交通：地鐵1號/2號線「世界之窗站」A出口步行約3分鐘。
- 預訂優惠：永安旅遊｜Trip.com
深圳親子酒店全攻略：為何成為香港家庭快閃首選？
北上消費唔再只係食買玩，宜家好多香港家庭都學似大陸好興嘅「旅遊特種兵」玩法。
星期五收工即刻過關，揀間親子酒店盡情 Staycation，深圳兩日一夜玩到星期日先返香港，大人細路都開心！
什麼是深圳親子酒店？
親子酒店並唔單止係提供家庭房嘅普通酒店，而係專為有小朋友嘅家庭度身訂造嘅住宿體驗。
由房間設計到公共設施，都充滿童趣同玩樂元素。你諗得出嘅房內滑梯、波波池、主題卡通床鋪，以至酒店自設嘅大型Playhouse、水上樂園、人造沙灘、兒童工作坊等等，應有盡有，保證小朋友一入住就樂而忘返，全天候盡情「放電」！
距離近、性價比高、選擇多
深圳親子酒店之所以成為港人熱捧之選，原因好簡單：
- 距離近：由香港市區出發，最快1-2個鐘就可以直達酒店，交通時間短，小朋友都唔會扭計。
- 性價比高：相比香港，深圳可以用更親民嘅價錢，享受到更大嘅房間空間同更豐富嘅酒店設施，CP值極高！
- 選擇多：由市中心鄰近商場嘅便利型酒店，到遠離煩囂、自成一角嘅大型度假村，甚至是設有私人泳池嘅Villa，深圳嘅親子酒店選擇多到你唔信，滿足唔同家庭嘅預算同需求。
深圳週末「旅遊特種兵」玩法介紹
想挑戰極速快閃嘅「旅遊特種兵」玩法？非常簡單！
星期五放工後食埋晚飯即刻出發，經羅湖、福田或蓮塘口岸過關，搭地鐵或的士直達已預訂嘅親子酒店。check-in後，小朋友已經可以喺主題房玩餐飽。
第二朝起身食完早餐，就盡情享用酒店嘅Playhouse、泳池等設施，玩足大半日。
到傍晚再出去附近商場食晚餐，第二日瞓到自然醒，hea到中午先check-out，再慢活食個lunch先返香港，一個週末就可以叉足電！
延伸閱讀：【深圳兩日一夜】自由行最強攻略｜4大行程路線＋住宿＋美食＋景點 + 按摩推薦
揀選完美親子酒店5大考慮因素
面對咁多選擇，點樣先可以揀到最啱自己家庭嘅深圳親子酒店？
其實只要考慮以下5個因素，就可以輕鬆做出決定！
1. 考慮小朋友年齡與興趣
唔同年紀嘅小朋友，需要嘅嘢都唔同。
BB仔或幼童可能更需要房內嘅滑梯、波波池，或者係酒店提供嘅嬰兒床服務。
而年紀大少少嘅小學生，就可能對大型水上樂園、兒童俱樂部或者戶外探索活動更有興趣。出發前，不妨問下小朋友嘅意見！
2. 比較酒店親子設施 (Playhouse、泳池、工作坊)
呢個係揀親子酒店嘅核心！詳細比較唔同酒店提供嘅親子設施，例如Playhouse嘅規模、泳池有冇水上滑梯、有冇提供額外收費或免費嘅兒童工作坊（如烘焙、手作等）。
有啲酒店嘅設施需要另外收費，訂房前要睇清楚。
3. 按行程規劃選擇酒店區域
你嘅行程重點係咩？如果係想集中玩盡觀瀾湖嘅設施，咁就應該揀龍華區嘅酒店。
如果主要係想去歡樂谷、世界之窗等主題樂園，南山區華僑城一帶就最方便。
如果只係想純度假，唔想周圍走，咁鹽田區或者南澳嘅海邊度假村就最適合不過。
4. 預算與套餐性價比
深圳親子酒店價錢範圍好闊，由幾百蚊一晚到幾千蚊都有。
除咗淨房價，好多酒店都會推出「住宿+設施門票」或者「一泊兩食」等套票，計起上嚟可能仲抵玩！
記得比較唔同預訂平台嘅價錢同優惠，例如Klook、Trip.com等，睇下邊個package最啱你預算。
5. 留意住客評價細節
訂房前一定要花時間睇下其他家庭嘅住客評價！
佢哋嘅親身經歷最有參考價值。可以留意下佢哋對親子設施嘅評價、職員服務態度、房間乾淨程度，甚至係一啲「中伏位」，例如設施維修緊、房間隔音差等等，幫你避開唔理想嘅體驗。
香港出發交通懶人包
由香港去深圳親子酒店，交通非常方便。
以下為你整理由唔同口岸出發嘅主要交通方式，幫你規劃最順暢嘅路線。
由各口岸 (羅湖、福田、蓮塘) 前往主要酒店區域
- 羅湖/福田口岸：最適合前往福田、南山、羅湖等市中心區域嘅酒店。過關後直接駁通深圳地鐵，四通八達，大部分市區酒店都可以喺1小時內到達。
- 蓮塘口岸：最新嘅口岸，亦係前往深圳東部（如龍崗、鹽田、南澳）最快嘅選擇。口岸設有大型巴士站，可以轉乘E11等路線直達南澳，亦比較容易叫的士。
地鐵、的士、包車選擇
- 地鐵：最經濟實惠嘅選擇，深圳地鐵網絡覆蓋廣泛，尤其適合去鄰近地鐵站嘅市區酒店。
- 的士/網約車：如果同行有老人細路，或者行李較多，的士同網約車（如滴滴出行）就最舒適。由口岸出發，去市區酒店車費約¥50-¥100，去觀瀾湖或南澳等較遠地區就要¥150-¥200或以上。
- 包車：如果係幾個家庭一齊出遊，可以考慮預訂7人車或中巴包車服務，點對點接送，價錢攤分返可能同搭的士差唔多，但就更舒適方便。（Klook 預訂包車即享優惠！）
酒店免費穿梭巴士資訊
部分大型度假村為咗方便住客，會提供免費穿梭巴士服務。
例如深圳觀瀾湖度假酒店同深圳硬石酒店，都會喺地鐵「觀瀾湖站」設有免費接駁巴士直達酒店。預訂呢類酒店前，記得上官網查詢穿梭巴士嘅時間表同上車地點，慳返一程車錢！
親子遊實用資訊及貼士
準備好出發未？最後提提你幾個實用小貼士，令你嘅深圳親子酒店之旅更完美！
1. 預訂嬰兒床、床欄等服務
如果你帶住BB或幼童出遊，記得喺預訂酒店時就提出要求，預留嬰兒床、床欄、BB浴盆等用品。
好似深圳憬居酒店，就可以為6歲以下小童免費新增嬰兒床。由於數量有限，記得要提早預訂，唔好等到check-in先算。
2. 善用酒店兒童託管服務
有啲大型度假酒店，例如深圳華僑城洲際大酒店嘅「奇趣烏托邦」Playhouse入面，會有職員睇住小朋友，確保安全。
呢類服務可以俾爸爸媽媽有短暫嘅私人時間，去享受下SPA或者二人世界撐枱腳。
不過，呢啲服務可能需要額外收費或只適用於指定套票，記得向酒店查詢清楚。
附近親子餐廳及景點推介
除咗酒店設施，都可以發掘下附近有咩深圳親子好去處。
例如入住深圳益田威斯汀酒店，就可以直接行去益田假日廣場嘅「Wooderful Life森活木育」Playroom；住喺深圳憬居酒店，就可以順便去埋樓下婦兒大廈嘅「深圳兒童探索館」（需提前喺WeChat小程序預約）。
預先做好資料搜集，可以令你嘅行程更豐富！
延伸閱讀：
常見問題 (FAQ)
酒店的兒童遊樂設施是否收費？
不一定。好多酒店嘅Playhouse同泳池都係住客免費使用嘅，例如深圳龍崗珠江皇冠假日酒店嘅「皇冠家族親子餐廳樂園」，住客就可以免費任玩。
但有啲大型度假村嘅特定設施，例如深圳華僑城洲際大酒店嘅「奇趣烏托邦」，如果你唔係預訂指定親子套票，就有可能需要另外付費入場。建議預訂前喺官網或預訂平台查詢清楚條款。
親子主題房通常可住多少人？
視乎酒店同房型而定。標準嘅親子房通常可容納2大1小或2大2小。
但有啲特色家庭房空間更大，例如深圳憬居酒店嘅「大象之屋」和「時光城堡」主題房，設有4張床，最多可以入住6位客人，非常適合大家庭或幾個家庭朋友一齊住。
入住時有什麼歡迎禮物或小驚喜？
有！部分重視親子體驗嘅酒店會為小朋友準備小驚喜。例如深圳龍崗珠江皇冠假日酒店，入住兒童主題房嘅小朋友會收到一份兒童入住禮包，入面有蠟筆、水樽帶、貼紙同酒店定製嘅積木公仔。
另外，深圳大梅沙京基洲際度假酒店亦會提供小朋友專屬嘅可愛房卡，呢啲小細節都可以令小朋友開心好耐！
如何獲取最新深圳親子酒店預訂優惠？
想訂深圳親子酒店訂得最抵，就要做足功課！你可以：
- 留意各大旅遊預訂平台如 Klook、Trip.com、Agoda 等，佢哋經常會推出限時優惠碼或信用卡折扣。
- 成為酒店集團嘅會員，例如萬豪(Marriott Bonvoy)、洲際 (IHG One Rewards)、希爾頓(Hilton Honors) 等，有機會享受會員價或積分優惠。
- 關注深圳貓網站嘅最新更新，我哋會為你搜羅最新最齊嘅深圳親子酒店優惠資訊！
總括嚟講，深圳親子酒店選擇豐富，無論係想喺房內盡情放電、享受度假村嘅一站式服務，定係追求地點方便，總有一間啱你心水。
希望呢份超詳盡嘅深圳親子酒店攻略，可以幫到各位爸爸媽媽輕鬆策劃一個愉快又難忘嘅週末家庭樂！
深圳貓編 Sally，來自香港嘅90後女生，在家係貓奴，在外係社畜。放假鍾意周圍去，發掘唔同嘅地方。自從疫情通關後已北上深圳超過100次，鍾意深圳夠近夠方便、又平又好多嘢食！週末假期會去深圳行街、按摩、食嘢，整理成旅遊攻略分享。希望大家以後去深圳，都會嚟搵深圳貓，記得貓咪伴你行！
發表留言