【深圳觀瀾湖】親子遊最強攻略！10大景點/交通/酒店/美食懶人包（附住宿套票優惠！）

週末想北上深圳搵個地方同小朋友放電，又想滿足大人吃喝玩樂的願望？

深圳觀瀾湖近年成為親子遊的熱門之選！這個集滑雪、彈床、海洋世界、手作體驗和大型商場於一身的度假區，節目豐富，但景點分散、酒店選擇多，計劃行程時是否感到無從入手？

不用擔心！這篇深圳觀瀾湖攻略，為你整合了最詳盡的懶人包。

由香港出發的交通方式、園區地圖分佈、兩日一夜行程建議、10大必玩景點、深圳觀瀾湖套票優惠，到深圳觀瀾湖度假酒店與其他酒店的詳細比較、人氣餐廳推介和最划算的預訂方法，讓你一篇看懂，輕鬆出發！

深圳觀瀾湖簡介 (龍華區5A級大型度假區)

深圳觀瀾湖位於龍華區，係國家級嘅5A級旅遊景區，佔地超過20平方公里，規模極之龐大。

度假區內集合咗世界最大嘅高爾夫球場、大型主題樂園、親子活動設施、文青手作工房、大型購物中心同多間星級酒店，堪稱一個自給自足嘅「Vacation Town」，非常適合情侶約會或安排一個深圳親子遊嘅行程。

Klook.com

觀瀾湖遊玩地圖、主要區域分佈

第一次去深圳觀瀾湖，最緊要搞清楚園區佈局，咁就唔會蕩失路。成個觀瀾湖度假區主要圍繞住地鐵站分為幾個核心區域：

• 觀瀾湖地鐵站：成個度假區嘅交通樞紐，地鐵4號線直達。
• 觀瀾湖新城 (MH Mall)：地鐵站上蓋就係，係餐飲、購物同大部分室內玩樂設施嘅集中地。
• 觀瀾湖生態運動公社：由MH Mall行10分鐘就到，裡面有卡魯冰雪世界、、卡丁車場等大型戶外玩樂設施。
• 觀瀾湖藝工場：文青手作體驗區，鄰近生態運動公社。
• 深圳觀瀾湖度假酒店 & 硬石酒店：兩大主要酒店，前者有濃厚度假風情，後者就勝在夠方便，鄰近MH Mall。

觀瀾湖10大必玩景點及親子玩樂設施

深圳觀瀾湖有咩玩？玩樂設施多到可以玩足三日兩夜！我哋為你精選咗10個必去景點，無論係想滑雪、騎馬、做手作定係行街食飯，呢度都應有盡有。

景點	特色賣點	位置
觀瀾湖生態運動公社	大型戶外樂園，有齊機動遊戲、CS野戰、卡丁車	戶外園區
卡魯冰雪世界	深圳最大室內滑雪場，-5°C真雪體驗，啱晒初學者（Klook 預訂優惠）	生態運動公社內
觀瀾海洋世界	60米長海底隧道，有美人魚、海獅表演，小朋友最愛（Klook 預訂優惠）	生態運動公社內
觀瀾湖新城 MH Mall	集餐飲、購物、娛樂於一身嘅大型商場，地鐵直達	地鐵站上蓋
觀瀾湖溜冰場	深圳最大嘅真冰溜冰場，有專業教練（Klook 預訂優惠）	MH Mall內
反彈蹦床公園	超大彈床樂園，攀岩、海綿池、波波池任你跳（Trip.com 預訂優惠）	MH Mall內
騎樂馬術	全深圳罕見嘅室內馬術中心，可以喺商場入面騎馬（Klook 預訂優惠）	MH Mall內
觀瀾湖藝工場	文青聖地，提供玻璃、陶藝、皮藝等超過300種手作體驗	鄉村俱樂部別墅區
高爾夫球體驗	世界最大高爾夫球會，有體驗課程俾新手參加（Klook 預訂優惠）	度假酒店旁
牛湖水碧道	新開放嘅環湖綠道，啱晒散步、踩單車，景色優美	地鐵站E出口旁

1. 觀瀾湖生態運動公社

一個佔地22萬平方米嘅大型戶外公園，裡面除咗有綠色植物同打卡裝置，仲有碰碰車、摩天輪等機動遊戲，大人細路都可以喺度搵到樂趣。公園需要收入場費，但絕對值回票價。

2. 卡魯冰雪世界 (滑雪/娛雪)

位於生態運動公社內嘅「卡魯冰雪世界」(Karoo Ice World) 係距離香港最近嘅滑雪場！（預訂優惠：Klook | KKday | Trip.com）

場內常年維持-3℃至-5℃，設有長約80米嘅滑雪道同娛雪區，非常適合初學者或者純粹想體驗冰雪世界嘅朋友仔。

3. 觀瀾海洋世界 (海底隧道/美人魚表演)

同樣位於生態運動公社內，擁有近千種海底生物。（預訂優惠：Klook | Trip.com）

必到打卡點係60米長嘅海底隧道，可以近距離同鯊魚、魔鬼魚擦身而過！另外仲有海獅、美人魚同小丑劇場表演，小朋友一定睇到唔捨得走。

4. 觀瀾湖新城MH Mall

度假區嘅心臟地帶，地鐵站C2出口直達。

呢個大型商場集合咗購物、美食同多個室內遊樂場，包括UNIQLO、MUJI、西西弗書店等品牌，仲有數之不盡嘅餐廳，喺度消磨大半日絕對無問題。

5. 觀瀾湖溜冰場

位於MH Mall內嘅「冰堡國際溜冰場」，擁有1,500平方米冰面，係全深圳最大嘅真冰溜冰場。（Klook 預訂優惠）

場內有專業教練團隊，即使係新手都可以輕鬆上手，體驗溜冰樂趣。

6. 反彈蹦床公園

同樣喺MH Mall入面，係極受歡迎嘅親子放電場地！（Trip.com 預訂優惠）

2,000平方米嘅場地有齊跳彈床區、彩虹攀爬網、海綿池、波波池等設施，大人細路都可以喺度尽情蹦跳，釋放壓力。

7. 騎樂馬術 Joy Pony (室內騎馬)

估唔到商場入面都可以騎馬？MH Mall三樓嘅「騎樂馬術」就提供呢個獨特體驗！（預訂優惠：Klook | KKday | Trip.com）

佔地千平方米嘅室內訓練場，就算落雨都無阻你同馬仔嘅親密接觸。

8. 觀瀾湖藝工場 (文青手作體驗)

想玩啲靜態活動？嚟藝工場就啱晒。

呢度提供木藝、皮藝、玻璃、陶藝、藍染布藝等九大工作坊，課程由1小時起，大人細路都啱玩，可以製作獨一無二嘅專屬手工藝品，文青必到！

9. 高爾夫球體驗

觀瀾湖嘅靈魂所在！作為世界最大嘅高爾夫球會，就算你唔係會員，都可以参加佢哋嘅高爾夫體驗課程。（預訂優惠：Klook | KKday）

由專業教練一對一教學，新手都可以輕鬆體驗揮桿嘅樂趣。

10. 牛湖水碧道 (環湖綠道)

近年新開放嘅環湖綠道，喺地鐵站E出口一出就到！全長約7-8公里，路面平坦好行，沿途湖光山色非常漂亮。最啱一家大細喺度散步、跑步或者租單車踩，享受悠閒時光。

觀瀾湖行程建議

觀瀾湖實在太多嘢玩，兩日一夜可能會比較趕。如果時間充裕，強烈建議安排三日兩夜，玩得更盡興！

觀瀾湖兩日一夜行程

• Day 1：中午到達觀瀾湖站，先去MH Mall食晏。下午喺商場行街、玩室內設施（如蹦床公園）。約3點搭穿梭巴士去酒店Check-in，之後喺酒店泳池玩水放鬆。夜晚再搭穿梭巴士返MH Mall食晚飯。
• Day 2：食完早餐後Check-out，寄存行李。上午去觀瀾湖生態運動公社玩（例如滑雪、睇海洋生物），或者去藝工場玩手作。玩到攰就返酒店拎行李，再去MH Mall食個early dinner，然後搭地鐵返香港。

觀瀾湖三日兩夜行程

• 喺兩日一夜嘅基礎上，可以將行程拆分得更鬆動。例如第二日全日留喺生態運動公社玩盡機動遊戲、滑雪同海洋世界；第三日就可以悠閒咁喺MH Mall試多幾間餐廳，或者去牛湖水碧道散步騎單車，享受自然風光。

Klook.com

香港去深圳觀瀾湖交通全攻略

由香港去深圳觀瀾湖，交通選擇非常多，無論你住邊區、想搭港鐵定高鐵都一樣方便。以下為你詳細列出各種交通方法，包括最重要嘅園區內免費穿梭巴士資訊！

港鐵轉深圳地鐵 (經落馬洲口岸)

呢個係最多人揀、最直接嘅方法，CP值最高。

• 路線：搭港鐵東鐵綫到「落馬洲」站，經福田口岸過關。過關後即駁深圳地鐵4號線，搭到「觀瀾湖」站落車就到。
• 需時：由福田口岸起計，地鐵車程約50分鐘。

高鐵轉深圳地鐵 (經深圳北站)

如果想慳時間，又住近西九龍站，高鐵係個唔錯嘅選擇。

• 路線：由香港西九龍站搭高鐵至「深圳北站」。到埗後，喺站內直接換乘深圳地鐵4號線，同樣搭到「觀瀾湖」站。

各大口岸轉的士

適合家庭客或行李較多嘅旅客，點對點直達酒店，夠方便。

• 路線：由落馬洲（福田口岸）、皇崗口岸或羅湖口岸過關後，直接搭的士前往「深圳觀瀾湖度假酒店」或「硬石酒店」。
• 車費參考：由福田口岸出發約¥100-130；由深圳北站出發約¥70。

跨境巴士

想一程直達，唔想拖住行李轉車？可以考慮由香港市區如灣仔、佐敦、旺角等地搭跨境旅遊巴，經皇崗口岸過關後再轉的士，適合唔熟路嘅朋友。

園區內免費穿梭巴士

呢個係必睇嘅實用貼士！觀瀾湖園區非常大，各個景點之間有免費Shuttle Bus連接，一定要好好利用。

• 路線：主要來往 MH Mall、深圳觀瀾湖度假酒店、觀瀾湖藝工場、生態運動公社等主要地點。
• 等車位置：最重要嘅上落點喺觀瀾湖新城MH Mall「西西弗書店」門外。
• 班次：約半小時一班，車程只需3至5分鐘，非常方便。

觀瀾湖酒店比較：Resort vs Hard Rock點揀好？

第一次去深圳觀瀾湖，最頭痛嘅問題就係住邊間酒店好？

區內最主要嘅兩間酒店就係「深圳觀瀾湖度假酒店」同「深圳硬石酒店」，各有特色。我哋為你詳細分析比較，仲有其他性價比之選，幫你揀到最啱心水嘅住宿！

深圳觀瀾湖度假酒店 (親子Resort體驗)

如果你追求一個充滿度假感、可以徹底放鬆嘅假期，呢間酒店就係你嘅首選。

• 風格特色：坐落喺高爾夫球場中心，四周環繞綠茵草地，空氣清新，景色一流，俾人一種去咗東南亞Resort嘅感覺。
• 親子設施：擁有兩個大型戶外泳池、兒童嬉水池、室內兒童Playhouse同遊樂場，小朋友一定玩到唔捨得走。
• 位置：距離MH Mall約5分鐘車程，需要搭園區穿梭巴士來往，私隱度較高。
• 適合人群：追求悠閒度假、想享受酒店設施、唔介意搭Shuttle bus嘅家庭客。
• 預訂連結：Trip.com 預訂優惠住宿 | Klook 住宿套票

深圳硬石酒店 (型格音樂主題、位置最方便)

如果你追求極致方便，想一落樓就有得食有得玩，Hard Rock就係不二之選。

• 風格特色：型格十足嘅搖滾音樂主題，大堂、房間到天台泳池都係打卡位。酒店展出超過160件音樂巨星收藏品，仲可以借Fender電結他返房玩！
• 親子設施：設有「ROXITY俱樂部」兒童遊樂區，亦會定期舉辦「小小廚師」烘焙活動。
• 位置：地理位置無敵！就在MH Mall旁邊，地鐵站行2分鐘就到，無論去商場食飯定去生態公社玩都極之方便。
• 適合人群：追求方便、鍾意熱鬧、熱愛音樂同打卡嘅年輕人、情侶或家庭。
• 預訂優惠：Trip.com | Klook

東莞觀瀾湖酒店 (距離較遠的另一選擇)

除咗深圳，觀瀾湖集團喺東莞都有一間酒店。不過筆者建議，如果係第一次去，都係以深圳兩間酒店為首選。

注意：由MH Mall搭穿梭巴士過去要成40分鐘車程，位置比較偏遠，附近無商場。除非你想搵個與世隔絕嘅地方純度假，否則唔太建議。

其他高性價比酒店 (亞朵、山水田園等)

如果預算有限，又唔介意住遠少少，觀瀾湖附近都有唔少性價比高嘅酒店選擇，例如主打人文氣息嘅「深圳龍華觀瀾亞朵X酒店」（Trip.com 預訂優惠）。

或者充滿國風特色嘅「深圳觀瀾山水田園酒店」，通常搭的士10-15分鐘就可以到達觀瀾湖核心區。（Trip.com 預訂優惠）

各酒店親子主題房及寵物友善房型一覽

帶小朋友去玩，主題房絕對可以令佢哋嘅快樂加倍！觀瀾湖嘅酒店亦非常貼心，提供多款主題房，而且仲係寵物友善！

• 深圳觀瀾湖度假酒店：提供七大主題房，包括森林、太空、LEGO、海洋、糖果、熱氣球及馬戲團主題。（Trip.com 預訂即享優惠）
• 深圳硬石酒店：同樣有多款主題房，如小黃鴨、小飛俠、太空漫遊、恐龍樂園等。（Trip.com 預訂即享優惠）
• 寵物友善：兩間酒店均設有寵物友善客房，可以帶埋你嘅毛孩一齊去度假！

觀瀾湖美食餐廳全攻略

嚟到深圳觀瀾湖，完全唔使擔心食嘢嘅問題！單係觀瀾湖新城MH Mall入面，已經有數十間餐廳任君選擇，由連鎖快餐、人氣茶飲，到高級餐廳、特色自助餐都有，絕對可以滿足你嘅味蕾。

MH Mall商場餐廳及美食廣場

MH Mall可以話係成個觀瀾湖嘅飯堂，娛樂飲食佔比超過65%。

除咗大家熟悉嘅海底撈、探魚、點都德、九毛九，商場B1層仲有個美食廣場，可以搵到涼皮、酸辣粉等平民小食。基本上廣東菜、四川菜、京菜、韓國燒肉、日本料理等應有盡有，只怕你選擇困難！

人氣自助餐推介 (巴西烤肉、海鮮榴槤放題)

想食得豪啲，實現「美食自由」？以下兩間自助餐CP值極高，非常受歡迎！

• 南里奥烤肉自助：主打正宗巴西烤肉，氣氛超熱鬧！最大特色係侍應會拎住大大串新鮮烤好嘅肉喺各枱之間穿梭，即場切俾你食。牛舌、芝士大蝦特別受歡迎，肉食獸必去！人均消費約¥109起。
• 舟市水產活海鮮·榴槤自助：海鮮控同榴槤控嘅天堂！主打新鮮生猛嘅活海鮮，鮑魚、膏蟹、石斑魚、貴妃蚌任你食，仲有任食泰國金枕頭榴槤，回本無難度！人均消費約¥221起。

必食餐廳推介 (京味張、韓牛大叔、越小品)

想試吓有特色嘅人氣餐廳？以下幾間都係網紅推介之選！

• 京味張·北京烤鴨：人氣連鎖品牌，經常要排隊。師傅會推車仔到你枱邊即場片皮鴨，鴨皮薄脆，鴨肉多汁，視覺同味覺都係享受。
• 韓牛大叔·活鰻魚炭火燒肉：招牌菜係現點現宰嘅活鰻魚，由專人幫你燒到外皮微焦、肉質嫩滑，鮮味十足。厚切五花肉都係必點之選。
• 越小品·越南餐廳：想食得清新啲，可以試吓呢間越南菜。環境明亮乾淨，價錢親民，冬陰功湯、香茅燒雞串、米紙卷等經典菜式都好唔錯。

網紅打卡Cafe及飲品店 (喜茶/奈雪的茶)

行到攰想飲杯嘢？MH Mall齊集各大網紅飲品店，包括喜茶(Heytea)、奈雪的茶(Nayuki)同霸王茶姬(CHAGEE)，總有一間喺左近！另外仲有露營風格嘅Cafe「CHA camp」，啱晒打卡！

預訂門票及酒店套票慳錢攻略

想玩得精明又抵啲？深圳觀瀾湖嘅酒店同門票，識得預訂方法可以慳唔少！

最划算嘅方法就係買「酒店住宿套票」(Package)，一次過包晒住宿、餐飲同玩樂項目，唔使逐樣訂咁麻煩。

Klook.com

各大預訂平台 (Trip.com/Klook/KKday) 比較

想訂深圳觀瀾湖嘅酒店同套票，建議大家可以先去以下幾個大型旅遊平台格價，佢哋經常會推出獨家優惠，比直接向酒店預訂更平。

• Trip.com
• Klook
• KKday

呢啲平台提供嘅套票種類繁多，有時仲會包埋香港來回嘅交通，預訂前記得睇清楚條款，比較唔同套票包含嘅項目，揀個最適合你行程嘅plan。

酒店住宿套票包含項目詳解 (門票/餐飲/手作體驗)

觀瀾湖嘅套票五花八門，睇到眼花撩亂？其實主要可以分為幾類，針對唔同嘅旅客需求。以下係一啲常見套票包含嘅項目，等你有個概念：

• 親子度假套餐：通常係最全面嘅套票，專為家庭客而設。一般會包：
  ✓ 高級豪華房一晚 (2大1小入住)
  ✓ 自助早餐
  ✓ 自助晚餐或餐飲現金券
  ✓ 觀瀾湖生態運動公社門票
  ✓ 卡魯冰雪世界或海洋世界門票 (2選1)
  ✓ 反彈蹦床公園門票
  ✓ 保齡球體驗
  
• 雙人悅享套餐：適合情侶或朋友二人同行，著重體驗。一般會包：
  ✓ 酒店房一晚 (雙人入住)
  ✓ 雙人自助早餐
  ✓ 餐飲現金券或雙人水療體驗
  ✓ 傳統手工藝項目體驗 (藝工場10選1)
  ✓ 卡丁車或高爾夫球練習場體驗
• 基礎住宿餐飲套票 (森呼吸套餐)：最基本嘅套票，價錢最實惠，如果只想hea酒店同周邊行吓，呢個性價比最高。一般會包：
  ✓ 酒店房一晚
  ✓ 自助早餐
  ✓ 晚餐套餐 (於指定餐廳享用)

慳錢貼士：預訂套票前，先計劃好必玩項目，例如你哋係咪一定會滑雪？會唔會玩手作？然後再選擇包含相應項目嘅套票，咁就最抵玩！

Klook.com

常見問題 FAQ

第一次去深圳觀瀾湖，好多濕碎嘢唔清楚？唔使驚，我哋整理咗幾個最多人問嘅問題，一次過幫你解開所有疑團！

深圳觀瀾湖地鐵站哪個出口？

觀瀾湖站有幾個主要出口，對應唔同景點，揀啱出口可以行少好多路！

• C2 出口：最重要嘅出口！一出就係「觀瀾湖新城 MH Mall」商場，食嘢、shopping、玩室內設施都係呢個出口。
• A 出口：主要前往「觀瀾湖生態運動公社」同「觀瀾湖藝工場」。
• E 出口：前往「牛湖水碧道」(環湖綠道)，想散步踩單車就揀呢個。
• B / C 出口：出站後可以喺MH Mall商場外圍搵到園區免費穿梭巴士站。

園區內活動收費如何？

觀瀾湖嘅收費模式比較多元，簡單嚟講：

• 大型園區：「觀瀾湖生態運動公社」需要買入場門票。
• 獨立收費景點：喺生態運動公社入面，好似「卡魯冰雪世界」（Klook 預訂優惠）、「觀瀾海洋世界」（Klook 預訂優惠）呢啲大型景點，係要另外再買獨立門票。
• 按項目收費：MH Mall入面嘅「反彈蹦床公園」（Trip.com 預訂優惠）、「溜冰場」（Klook 預訂優惠）、「保齡球場」等，以及生態公社內嘅卡丁車、機動遊戲等，都係逐個項目獨立收費。
• 免費入場：「觀瀾湖新城 MH Mall」同「觀瀾湖藝工場」本身係免費入場嘅，但喺藝工場參加手作工作坊就要收費。

最推薦的親子放電活動是哪些？

如果想帶小朋友去盡情放電，以下幾個活動絕對係首選：

• 動感之選：「反彈蹦床公園」絕對係放電No.1，可以跳足幾粒鐘！（Trip.com 預訂優惠）
• 新奇體驗：「卡魯冰雪世界」可以喺深圳體驗滑雪，對香港小朋友嚟講非常新奇。（預訂優惠：Klook | KKday | Trip.com）
• 獨特之選：「騎樂馬術 Joy Pony」，喺商場入面騎馬，機會難得。（預訂優惠：Klook | KKday | Trip.com）
• 酒店設施：唔好唔記得兩間酒店都有好靚嘅泳池，夏天去玩水都係一流嘅放電活動！

第一次去，住邊間酒店最好？

呢個係「世紀難題」！我哋嘅建議係：

• 追求極致方便、鍾意熱鬧打卡：揀「深圳硬石酒店」。一落樓就係商場同地鐵站，慳返唔少交通時間，成個vibe都比較年輕型格。（Trip.com 預訂即享優惠）
• 追求悠閒度假、想hea酒店設施：揀「深圳觀瀾湖度假酒店」。雖然要駁Shuttle bus，但酒店被高爾夫球場包圍，環境清幽，更有度假feel，泳池等設施亦更完善。（Trip.com 預訂即享優惠）

總括而言，深圳觀瀾湖的活動應有盡有，無論是情侶約會、朋友短聚，還是親子「放電」都非常適合。希望這篇詳盡的觀瀾湖攻略能助你輕鬆計劃行程，立即約定家人朋友，享受一個精彩的週末假期吧！

延伸閱讀：【獨家歷史低價】深圳觀瀾格蘭雲天國際酒店假期節日不加價！豪華雙床房買一送一，人均低至 HK$181 起