想週末快閃深圳，住返晚靚酒店影相打卡，但深圳打卡酒店選擇實在太多，花多眼亂唔知點揀好？
今次小編為你整合了17間深圳打卡酒店終極懶人包，無論你想住無敵海景、高空城景，定係希臘聖托里尼偽旅行風都應有盡有。
內文將會詳細介紹各深圳網紅酒店的打卡賣點、人均價錢和港人專屬交通攻略，更會教你點樣用最抵價錢預訂！睇到最後，仲會分享獨家訂酒店秘技，幫你慳得更多！
【深圳貓 x Klook 獨家優惠碼】經本網站指定鏈結，於 Klook 中國內地活動滿 HK$100 並輸入優惠碼【NTSY25CN】，即享94折優惠！快啲 save 低呢個優惠碼，下次去深圳用啦！
【深圳打卡酒店】異國度假風網紅酒店
唔使搭長途機，喺深圳都可以感受到滿滿嘅異國風情！無論係夢寐以求嘅希臘藍白小屋，定係熱情奔放嘅東南亞海島，呢幾間深圳打卡酒店都可以帶你一秒穿越，體驗偽旅行嘅樂趣！
1. 蜜悦·深圳藍白聖島懸崖泡池美宿 (希臘聖托里尼風)
想去聖托里尼？嚟深圳就得！呢間被譽為「深圳版聖托里尼」嘅酒店，絕對係IG上嘅爆紅熱點。
酒店以純白洞穴風格設計，配上懸崖邊嘅私人泡池，望出去就係南澳嘅蔚藍海景。喺呢度影相，真係呃到人以為你去咗希臘！
最受歡迎嘅懸崖泳池小屋係獨立別墅，私隱度極高，記得要提早預訂！
- 打卡賣點：希臘聖托里尼純白洞穴風、懸崖私人泳池、無敵海景
- 房價：人均HK$499起
- 地址：深圳龍崗區南澳街道海濱南路33號D2棟
- 交通：由蓮塘口岸乘的士約1小時車程
- 預訂優惠：Trip.com｜Klook
2. 深圳金沙灣佳兆業萬豪酒店 (東南亞海島風)
如果你鍾情於東南亞海島嘅度假感覺，咁呢間萬豪酒店就最啱你！
酒店坐落喺被譽為「中國八大醉美海岸之一」嘅金沙灣，設計充滿東南亞風情，大部分客房都面向無敵海景，仲設有私人露台。
酒店設施極之齊全，有室內外泳池、兒童俱樂部等，步行1分鐘更可直達沙灘，讓你盡情享受陽光與海灘嘅悠閒時光。
- 打卡賣點：東南亞度假風情、私人海景露台、直達沙灘、親子設施豐富
- 房價：人均HK$419起
- 地址：深圳大鵬新區棕櫚大道33號
- 交通：由蓮塘口岸乘的士約50分鐘車程
- 預訂優惠：Trip.com｜Klook｜Agoda
3. 深圳茵特拉根華僑城酒店 (夢幻城堡風)
每個女仔心目中都有個公主夢！呢間位於東部華僑城嘅酒店，以超夢幻嘅復古英倫城堡風格建成，絕對能滿足你嘅少女心。
酒店外牆佈滿綠色藤蔓，加上富麗堂皇嘅內部裝潢，令人恍如置身童話世界。從房間窗口望出去，仲可以欣賞到美麗湖景同城堡倒影，浪漫到極！
4. 深圳華僑城洲際大酒店 (熱帶西班牙風)
一踏入呢間白金五星級酒店，就彷彿走進一個熱情奔放嘅西班牙莊園。
酒店擁有過萬平方米嘅熱帶花園同戶外泳池，仲有五彩繽紛嘅水上滑梯同旋轉木馬，充滿童趣。
酒店整體設計融合咗東南亞嘅原始風情同西班牙嘅現代元素，係城市中難得一見嘅度假天堂，啱晒想清涼一夏嘅你！
- 打卡賣點：西班牙主題風情、萬平熱帶花園、大型戶外沙灘泳池、水上滑梯
- 房價：人均HK$800起
- 地址：深圳市南山區深南大道9009號
- 交通：深圳地鐵1/2號線「世界之窗站」步行約3分鐘
- 預訂優惠：Klook｜Trip.com
【深圳網紅酒店推介】無敵海景/山景住宿
深圳東部嘅海岸線風光旖旎，造就咗唔少擁有絕美景觀嘅打卡酒店。無論你係想喺「深圳版鎌倉」嘅海邊感受日系小清新，定係想喺半山之上俯瞰山海相連嘅壯麗景色，呢度嘅酒店都可以滿足你對大自然嘅所有想像。
1. 深圳官湖祕野礁石海景酒店 (深圳版鎌倉)
2024年全新開幕！酒店坐落喺有「深圳版鎌倉」之稱嘅官湖沙灘旁，間間房都係無敵海景房！
大部分房間更設有海景浴缸或私人泡池，配上寬敞露台，可以一邊浸浴一邊欣賞海景，打卡一流。
酒店仲提供免費20分鐘專屬攝影服務，幫你捕捉最美時刻，非常貼心！
- 打卡賣點：深圳版鎌倉、間間房都係海景房、海景浴缸/泡池、免費專屬攝影服務
- 房價：人均HK$565起 (包早餐、下午茶、糖水、攝影等)
- 地址：深圳龍崗區葵涌街道官湖村官湖西路7號1號樓
- 交通：深圳地鐵8號線小梅沙站轉乘的士約38分鐘
- 預訂優惠：Trip.com
2. 苫也·深圳不若林度假民宿 (半山海景+私人泡池)
呢間建於南澳半山嘅精品民宿，將山景同無敵海景完美結合。
民宿設計充滿禪意，以質感木系為主題，感覺溫馨雅致。每間房都配備景觀浴缸，部分房型更有私人泳池或泡池，私隱度極高。
房價已包下午茶同30分鐘攝影師美拍服務，可以盡情喺山海之間放鬆身心，影返輯靚相！
- 打卡賣點：半山海景、景觀浴缸、私人泡池/泳池、免費攝影師美拍
- 房價：人均HK$441起 (包下午茶及攝影)
- 地址：深圳大鵬新區南澳街道南隆社區濱海南路12號1棟
- 交通：建議由市區乘的士前往，車程約1小時
- 預訂優惠：Trip.com
3. 深圳美高梅酒店 (豪華海景+玻璃泳池)
MGM品牌首次進駐深圳，選址小梅沙海灘旁，盡顯奢華氣派！
所有房型都面向大海，設有寬敞陽台同半開放式浴室。酒店最大亮點係佢嘅無邊際玻璃打卡泳池，喺度游水打卡，彷彿同大海連成一線！
晚上仲有精彩嘅M秀或主題派對，部分房價更包含專業旅拍服務，絕對係豪華度假首選。
- 打卡賣點：豪華海景房、無邊際玻璃泳池、精彩晚間派對、專業旅拍服務
- 房價：人均HK$866起 (包早餐及專業旅拍)
- 地址：深圳鹽田區鹽梅路33號
- 交通：深圳地鐵8號線「小梅沙站」步行6分鐘
- 預訂優惠：Trip.com | Klook | Agoda
深圳六月海度假酒店 (海景日落+圓窗浴缸)
想用超高CP值享受海景日落？呢間位於大鵬灣旁嘅酒店絕對唔可以錯過。
酒店最 signature 嘅就係部分房型擁有面向大海嘅巨大圓形玻璃窗浴缸，可以一邊浸泡泡浴，一邊欣賞鹹蛋黃日落，畫面超靚，打卡必備！
酒店旁邊就係沙灘，玩水都非常方便，人均三百蚊有找，性價比極高！
【深圳打卡酒店】高空城景/奢華五星級酒店
想感受深圳作為一線城市嘅魅力，入住高空城景酒店就最適合不過。
企喺幾十層高嘅落地玻璃前，俯瞰腳下嘅車水馬龍同璀璨夜景，再配上一杯香檳，絕對係極致嘅奢華享受。
呢幾間位於市中心嘅酒店，唔單止景觀無敵，設計同設施亦係頂級水準。
1. 深圳南山香格里拉酒店 (奢華旋轉樓梯)
2024年新開幕嘅南山香格里拉，一開幕就成為城中熱話！
酒店交通極方便，地鐵站行3分鐘就到。房間可以盡覽城市或深圳灣美景，而酒店室內泳池更坐擁無敵市景，可以喺窗邊躺椅打卡。
不過，講到最 signature 嘅打卡位，一定係酒店餐廳內嘅奢華旋轉樓梯，喺呢度影相，氣場即刻Level up，絕對「出片」！
2. 深圳中洲萬豪酒店 (南山最高室內泳池)
呢間萬豪酒店位於高達300米嘅中洲控股中心之內，景觀有絕對保證！
房間景觀開揚，配備半開放式浴缸，可以望住夜景浸浴。
酒店最威水嘅設施，就係擁有南山區最高嘅室內泳池，喺度暢泳，感覺就好似喺雲端一樣。另外，酒店同樣有打卡able嘅特色旋轉樓梯，設計感十足。
- 打卡賣點：南山最高室內泳池、300米高空景觀、特色旋轉樓梯
- 房價：人均HK$635起
- 地址：深圳南山區海德一道88號中洲控股中心A座
- 交通：深圳地鐵2/11號線「後海站」步行11分鐘
- 預訂優惠：Agoda｜Trip.com｜Klook
3. 深圳康萊德酒店 (前海灣景落地玻璃)
2023年開幕嘅康萊德酒店，係希爾頓旗下嘅頂級品牌，坐落於前海核心地段。
酒店設計典雅，部分房間更坐擁無敵前海灣景觀。
最屈機嘅係，酒店嘅泳池同健身室都採用咗超大落地玻璃窗設計，俾你一邊做運動，一邊俯瞰前海灣嘅壯麗景色，視覺享受一流！
- 打卡賣點：前海灣景落地玻璃、高空海景泳池、鄰近大型商場
- 房價：人均HK$883起
- 地址：深圳市南山區聽海大道5001號
- 交通：深圳地鐵5號線「桂灣站」步行5分鐘
- 預訂優惠：Trip.com｜Klook
4. 深圳濱河時代ICON LAB艾墾酒店 (福田CBD圓形浴缸)
呢間位於福田CBD中心嘅酒店，設計時尚，深受年輕人喜愛。
酒店空間感十足，最大嘅打卡亮點就係部分房型設有落地玻璃窗邊嘅圓形大浴缸！
試想像喺繁華鬧市中心，一邊浸喺圓形浴缸，一邊欣賞窗外嘅城市夜景，絕對係極致嘅浪漫體驗，情侶必試！
- 打卡賣點：窗邊圓形大浴缸、福田CBD景觀、設計時尚
- 房價：人均HK$238起
- 地址：深圳福田區沙嘴路8號尚美.紅樹灣1號A棟1層
- 交通：深圳地鐵7號線「上沙站」步行約7分鐘
- 預訂優惠：Trip.com｜Klook
【深圳靚酒店推介】文青設計/特色主題
唔想再住千篇一律嘅連鎖酒店？深圳仲有好多充滿個性嘅文青設計同特色主題酒店，等住你去發掘！無論係MUJI嘅極簡美學，定係型格十足嘅工業賽博風，總有一種風格能夠擊中你嘅心！
1. 深圳無印良品酒店 (MUJI極簡風)
MUJI控必住！全球僅有三間嘅MUJI HOTEL，其中一間就喺深圳福田！
酒店由內到外貫徹無印良品嘅極簡美學，從傢俬、床品到洗漱用品，全部都係MUJI自家出品。酒店空間充滿溫潤嘅木質感同柔和色調，俾人一種返到屋企嘅舒適感。
嚟呢度住一晚，體驗最純粹嘅日系簡約生活，絕對係一種心靈洗滌。
- 打卡賣點：MUJI極簡美學、全套無印良品用品、日系文青風
- 房價：人均HK$423起
- 地址：深圳市福田區皇崗路5001號深業上城B座A11號
- 交通：深圳地鐵10號線「冬瓜嶺站」步行約17分鐘
- 預訂優惠：Trip.com｜Klook
2. 深圳北站moxy酒店 (工業賽博風)
如果你係追求型格同潮流嘅玩家，萬豪旗下嘅Moxy酒店就絕對係你杯茶！
呢間酒店大玩賽博工業風，灰沉嘅主色調配上搶眼嘅霓虹燈裝飾，營造出強烈嘅光影對比同未來感。
酒店大堂設有超大共用休息空間、酒吧同「壁爐」，充滿復古雅痞情調，啱晒同一班朋友飲嘢傾偈影相打卡。酒店鄰近深圳北站，交通超方便！
3. 深圳隱秀山居酒店 (現代中式禪意)
想搵個地方靜心養生？呢間豪華度假酒店融合咗現代中式元素同禪意，由日本頂級設計師打造，處處彰顯藝術品味。
酒店被250萬平方米嘅高爾夫球場同天然湖景包圍，環境清幽。
酒店內更有露天花園泳池、徽派古宅、枯山水等設施，每個房間都配有陽台同浴缸，讓你喺山水之間，感受禪意生活。
- 打卡賣點：現代中式禪意設計、高爾夫球場及湖景、枯山水庭園
- 房價：人均HK$422起
- 地址：深圳市龍崗區寶荷路隱秀高爾夫俱樂部內
- 交通：深圳地鐵3號線「愛聯站」轉乘的士約12分鐘
- 預訂優惠：Trip.com｜Klook
4. 深圳國際會展中心皇冠假日酒店 (高空透明泳池)
呢間酒店最吸睛嘅打卡位，莫過於佢嘅室外高空透明懸空泳池！
泳池底部同側面都係透明玻璃，喺高空暢泳，刺激感十足，絕對係勇者嘅挑戰！除咗透明泳池，酒店嘅旋轉樓梯亦係光影交錯，設計感爆棚，非常適合影相。
酒店鄰近地鐵站，交通方便，仲可以免費租借露營用品去附近野餐，玩味十足。
- 打卡賣點：室外高空透明泳池、設計感旋轉樓梯、鄰近地鐵站
- 房價：人均HK$338起
- 地址：深圳寶安區展雲路8號
- 交通：深圳地鐵20號線「國展南站」步行4分鐘
- 預訂優惠：Trip.com｜Booking.com｜Klook
為何選擇深圳打卡酒店？
週末快閃想搵個地方Relax兼影靚相？深圳打卡酒店絕對係港人北上深圳Staycation嘅不二之選！
愈嚟愈多設計精美、極具特色嘅酒店同民宿喺深圳落成，無論係想同另一半慶祝紀念日、同閨密嚟個奢華之旅，定係純粹想逃離煩囂叉叉電，呢度總有一間啱你心水。
1. 情侶慶祝、閨密Staycation首選
想慶祝生日、紀念日，定係同好姊妹一齊過個奢華週末？
深圳打卡酒店提供各式浪漫同設計感十足嘅房型，由私密度極高嘅獨立別墅，到可以靜靜享受二人世界嘅海景套房，為你哋嘅特別日子增添難忘回憶。
唔少酒店仲提供房間佈置服務，夠晒貼心！
2. 人均HK$2XX起高CP值享受
同香港酒店Staycation相比，深圳打卡酒店嘅CP值極高！人均只需HK$200幾起，就可以享受到五星級嘅設施同服務。
無論係無邊際泳池、豪華浴缸定係包早餐下午茶嘅住宿Package，用親民價錢就能夠體驗奢華享受，絕對物超所值！
3. 滿足呃Like的各式打卡場景
嚟得打卡酒店，最重要嘅任務當然係影相呃Like！深圳嘅打卡酒店深明此道，提供各式各樣超IG-able嘅場景。
無論係彷如置身希臘嘅純白聖托里尼小屋、懸浮於半空嘅透明泳池、抑或係望住無敵海景嘅圓形浴缸，每個角落都係為你嘅鏡頭而設，保證你Post相Post到手軟，羨慕死一班朋友！
【深圳打卡酒店】快速分類
深圳嘅打卡酒店選擇眾多，花多眼亂？唔緊要！我哋為你精心整理咗快速分類，無論你想按風格、地區定係特色設施去揀，都可以一目了然，快速鎖定你嘅心水Dream Hotel！
深圳打卡酒店預訂貼士
- 按風格揀：想體驗唔同國度嘅風情？深圳打卡酒店風格多變，任君選擇！
→ 無敵海景：大鵬、鹽田一帶嘅民宿同度假村，坐擁一望無際嘅海岸線。
→ 異國風情：唔使飛都可以環遊世界！有希臘聖托里尼風、東南亞海島度假風、歐洲夢幻城堡風等。【深圳希臘酒店推介】
→ 高空城景：福田、南山嘅奢華酒店，喺雲端飽覽深圳繁華嘅天際線。 - 按地區揀：根據你嘅行程同喜好，選擇最方便你嘅地區！
→ 福田/南山市區：鄰近各大商場同地鐵站，交通方便，食玩買一應俱全。【福田酒店推介】
→ 大鵬/鹽田度假區：遠離市區煩囂，主打陽光與海灘，度假Feel滿分。 - 按特色揀：鎖定特定嘅打卡able設施，令你嘅旅程更完美！
→ 無邊際泳池：海天一色嘅泳池，隨手一影都係大片。
→ 打卡浴缸：對住海景或城景浸浴，享受極致嘅浪漫同放鬆。
→ 親子友善：設有兒童樂園、親子主題房等，啱晒一家大細。【深圳親子酒店推介】
睇啱心水酒店準備預訂？等陣！想訂得最抵最精明，就要學識以下幾招預訂貼士，用最優惠嘅價錢，享受最完美嘅住宿體驗！
如何比較各大訂房平台 (Trip.com/Klook/Agoda)
訂酒店就好似格價一樣，千祈唔好懶！
同一間酒店，喺唔同平台嘅價錢同套票內容都可以有好大分別。建議大家預訂前，最好同時打開 Trip.com、Klook、Agoda 等幾個主流平台比較一下。
- Trip.com：通常房源較多，尤其內地酒店選擇齊全，有時會有獨家優惠【Trip.com 查看住宿優惠】
- Klook：強項係住宿連埋景點門票或餐飲嘅套票 (Package)，一站式預訂夠方便，計起上嚟可能更抵【Klook 查看住宿優惠】
- Agoda：經常會有隱藏優惠或會員折扣，記得登入咗會員再睇價錢【Agoda 查看住宿優惠】
善用最新信用卡優惠及優惠碼
精明嘅你，又點可以錯過信用卡優惠同優惠碼！
各大訂房平台經常同唔同銀行合作，推出信用卡簽賬折扣。預訂前，記得睇清楚你手上邊張信用卡有優惠。
另外，喺俾錢前，不妨上網搜尋一下「[平台名稱] 優惠碼」，隨時搵到驚喜折扣！
- 👉🏻 最新Trip.com優惠碼
- 👉🏻 最新Klook優惠碼
- 👉🏻 最新KKday優惠碼
- 👉🏻 最新Agoda優惠碼
- 👉🏻 最新Booking.com優惠碼
- 👉🏻 最新Hotels.com優惠碼
- 👉🏻 最新Expedia優惠碼
- 👉🏻 最新HopeGoo優惠碼
- 👉🏻 最新永安旅遊優惠碼
預訂前必睇：套票/旅拍服務注意事項
好多深圳打卡酒店都會推出吸引嘅住宿套票，例如包早餐、下午茶、晚餐，甚至免費旅拍服務。不過，預訂前記得要睇清楚細則！
- 餐飲套票：要留意用餐時間、係自助餐定套餐，以及有冇指定餐廳。
- 旅拍服務：要問清楚服務時長（例如20分鐘）、包幾多張精修相，以及需唔需要提早預約。有啲酒店嘅旅拍服務非常搶手，最好一Check-in就即刻預約！
港人專屬交通口岸攻略
對於香港人嚟講，揀邊個口岸過關，直接影響去酒店嘅交通時間同方便程度。以下係為大家整理嘅口岸交通指南，幫你規劃最順暢嘅路線！
福田/羅湖口岸出發交通指南
呢兩個口岸最適合前往福田、南山等市中心區域嘅酒店。一過關就可以直駁深圳地鐵網絡，非常方便。
蓮塘/深圳灣口岸出發交通指南
如果你嘅目的地係鹽田、大鵬等東部度假區，或者南山、寶安等西部地區，呢兩個口岸會係更好嘅選擇。
- 蓮塘口岸：最接近東部地區，前往大梅沙、小梅沙、大鵬半島（如深圳美高梅、蜜悦系列民宿）最快。可以乘搭深圳地鐵8號線直達大小梅沙，或轉乘巴士、的士前往大鵬。
- 深圳灣口岸：適合前往南山、前海及寶安區嘅酒店（如深圳康萊德、皇冠假日酒店）。過關後有大量巴士線路同的士站，亦可轉駁地鐵。
自駕遊泊車資訊
想享受更大自由度嘅自駕遊？無問題！唔少位於大鵬、鹽田嘅度假酒店都提供免費泊車位。
經香園圍口岸（蓮塘口岸）自駕過關係一個熱門選擇，記得要預先透過網上系統預約口岸停車場。出發前最好同酒店確認是否有車位提供及需唔需要預留。
常見問題 (FAQ)
第一次預訂深圳打卡酒店？對旅拍、親子設施等有疑問？呢度為你解答幾個常見問題！
深圳酒店需要提早多久預訂？
視乎情況而定。如果你計劃喺週末、公眾假期（尤其係香港長假期）入住，或者想預訂熱門酒店嘅特色房型（例如蜜悦嘅懸崖泳池小屋），強烈建議你至少提早1至2個月預訂。
如果係平日入住普通房型，提早一至兩星期通常都足夠。
哪些酒店的旅拍服務是免費的？
愈來愈多酒店提供旅拍服務，幫住客影靚相留念。根據我哋嘅資料，以下酒店嘅部分住宿套票包含免費旅拍服務，但預訂前請務必同酒店或平台確認最新詳情：
- 深圳美高梅酒店 (包專業旅拍)（Trip.com 預訂即享優惠）
- 深圳官湖祕野礁石海景酒店 (包20分鐘專屬攝影)（Trip.com 預訂即享優惠）
- 苫也·深圳不若林度假民宿 (包30分鐘美拍及5張精修相)（Trip.com 預訂即享優惠）
帶小朋友入住，有哪些親子設施酒店推薦？
深圳好多酒店都非常親子友善！如果你係家庭出遊，可以考慮以下幾間：
- 深圳金沙灣佳兆業萬豪酒店：設有室內兒童俱樂部、戶外泳池等，活動豐富。（Trip.com 預訂即享優惠）
- 深圳美高梅酒店：設有兒童俱樂部，適合小朋友放電。（Trip.com 預訂即享優惠）
- 深圳國際會展中心皇冠假日酒店：設有兒童遊樂場，而且可以租借露營器具，享受親子時光。（Trip.com 預訂即享優惠）
延伸閱讀：【深圳親子酒店】15間必住親子酒店推介！房內滑梯/水上樂園，人均$185起（附交通預訂攻略）
酒店附近有什麼景點或商場？
酒店嘅地理位置非常重要。市中心嘅酒店通常鄰近大型商場，而度假區酒店則鄰近自然景點。
- 鄰近商場：
- 深圳康萊德酒店鄰近前海大型商場（Trip.com 預訂即享優惠）
- 深圳中洲萬豪酒店（Trip.com 預訂即享優惠）
- 深圳南山香格里拉酒店等都位於南山核心商圈（Trip.com 預訂即享優惠）
- 鄰近景點：
- 深圳華僑城洲際大酒店毗鄰世界之窗、錦繡中華（Trip.com 預訂即享優惠）
- 位於大鵬同鹽田嘅酒店則多數鄰近海灘或自然公園
更多深圳旅遊資訊
搞掂酒店住宿，係時候規劃埋其他行程啦！想知道深圳仲有咩最新最好玩嘅地方？即刻點擊以下連結，發掘更多深圳旅遊靈感！
- 【深圳景點】逾50個食買玩好去處！最新親子/免費/打卡景點/交通全攻略l
- 【深圳美食】逾50間餐廳推介合集！酸菜魚/火鍋/茶飲/燒肉全攻略 + 福田/羅湖美食地圖
- 【深圳按摩推介】20+間高質按摩/水療/SPA、無小費/24小時過夜/任食/交通懶人包
睇完呢篇深圳打卡酒店全攻略，係咪已經搵到你嘅心水Dream Hotel？
由異國風情到無敵海景，奢華體驗到文青設計，總有一間啱你！快啲約埋朋友、另一半，參考我哋嘅預訂貼士同交通攻略，計劃你嘅下一個週末快閃之旅啦！
深圳貓編 Sally，來自香港嘅90後女生，在家係貓奴，在外係社畜。放假鍾意周圍去，發掘唔同嘅地方。自從疫情通關後已北上深圳超過100次，鍾意深圳夠近夠方便、又平又好多嘢食！週末假期會去深圳行街、按摩、食嘢，整理成旅遊攻略分享。希望大家以後去深圳，都會嚟搵深圳貓，記得貓咪伴你行！
發表留言