【深圳福朋喜來登酒店自助餐】有買一送一優惠嗎？人均¥138起任食生蠔 / 鵝肝 / 龍蝦 / 大閘蟹、性價比超高（附住宿餐飲優惠68折！）

深圳福朋喜來登酒店（Four Points by Sheraton）一向是港人北上消費的熱門選擇，特別是其酒店自助餐，以超高性價比和豐富美食聞名。

不過，你知道深圳其實有4間福朋喜來登嗎？深圳福朋喜來登酒店分別在福田區、深圳灣、寶安區和光明區，不同的自助餐風格和賣點都各有不同！

• 【福田區】Klook 預訂優惠：深圳福朋喜來登酒店住宿套餐（高級客房住宿，包雙人自助晚餐 + 自助早餐）
• 【深圳灣】Klook 預訂優惠：深圳灣福朋喜來登酒店住宿套餐（高級客房住宿，包自助晚餐 + 自助早餐）
• 【寶安區】Klook 預訂優惠：深圳寶安福朋喜來登酒店住宿套餐（高級客房住宿，包雙人自助晚餐 + 自助早餐）
• 【光明區】Klook 預訂優惠：深圳光明福朋喜來登酒店住宿套餐（高級客房住宿 + 餐飲待遇）

幾間深圳福朋喜來登酒店自助餐，令人睇到花多眼亂，想知道邊間最啱你？

今次小編就為大家整合一篇超詳盡的深圳福朋喜來登酒店自助餐攻略，由分店大比拼、必食回本位推介、住宿餐飲套票預訂教學，助你輕鬆規劃最抵玩的兩日一夜美食之旅！

【寶安 vs. 福田】兩間深圳福朋喜來登酒店自助餐有何不同？

決定去食深圳福朋喜來登酒店自助餐前，最緊要搞清楚寶安同福田兩間分店的分別！

以下為你整理好兩者的主要特色，幫你快速做決定。

深圳福朋喜來登酒店自助餐（福田）

主打「極致性價比」和「地點便利」。如果你只係想即日來回，或者經福田口岸過關，福田店就非常方便，由關口行過去都只係十幾分鐘。

自助餐價錢極之親民，最平一百幾蚊人仔就有交易，食物種類同樣豐富，有生蠔、刺身、即煮和牛等，適合追求抵食的食家。

👉🏻 Klook 預訂優惠：深圳福朋喜來登酒店住宿套餐（福田）

經 Klook 平台預訂深圳福朋喜來登酒店住宿套餐，二人套票約HK$1,122起，人均約HK$561。套票一般已包括：

✓ 雙人房住宿一晚（高級客房）
✓ 自助晚餐2位
✓ 自助早餐2位

深圳寶安福朋喜來登酒店自助餐

主打「一站式度假體驗」。如果你想買套票，享受由交通、住宿到餐飲的全包服務，寶安店絕對是首選。

自助餐主打時令海鮮主題，有龍蝦、大閘蟹等重量級美食，酒店較新，附近更有大悅城、海雅繽紛城等大型商場，適合想hea住玩兩日一夜的朋友。

👉🏻 Klook 預訂優惠：深圳寶安福朋喜來登酒店住宿套餐

經 Klook 平台預訂深圳福朋喜來登酒店住宿套餐，二人套票約HK$1,110起，人均約HK$555。套票一般已包括：

✓ 雙人房住宿一晚（高級客房）
✓ 自助晚餐2位
✓ 自助早餐2位

*以上係綜合網上資料的參考價格，實際價錢可能會浮動，建議預訂前到各大平台格價！

為何選擇深圳福朋喜來登酒店自助餐？

近年深圳福朋喜來登酒店自助餐人氣急升，成為港人快閃深圳兩日一夜的首選，全因其無可匹敵的「性價比」！

對於想plan個懶人行程、帶埋一家大細或同長輩去輕鬆下的朋友仔，呢度絕對係完美選擇。

• 超值套票：最吸引的莫過於與 Klook 等旅遊平台合作推出的住宿+餐飲套票，人均只需幾百蚊就包晒酒店住宿，再加埋自助晚餐同早餐，一價全包唔使煩。（Klook 預訂優惠：深圳福朋喜來登酒店住宿套餐（福田） | 深圳寶安福朋喜來登酒店住宿套餐）
  
• 回本位極多：自助晚餐主題時常更新，有齊任食生蠔、鐵板燒、刺身等，仲有無限量任食的法式鵝肝，回本話咁易！
  
• 交通極方便：由香港市區上車有直通巴到口岸，福田酒店距離口岸亦僅數分鐘車程，唔使拖住行李周圍轉，啱晒家庭客。
  
• 親子友善：酒店設施完善，小朋友食飽可以去放電，大人就可以安心繼續食。

【深圳寶安福朋喜來登酒店自助餐】特色菜式、必食推介及回本策略

今次我哋會主力介紹深圳寶安福朋喜來登酒店自助餐的晚市盛況！

晚市主題不時更換，例如近期的「蠔饌蟹宴」，以各種蠔和蟹做主題，單睇個名都已經流晒口水。

想食得精明？記得主攻以下幾大「回本位」！

1. 時令主題（例如：蠔饌蟹宴）

自助餐主題係成個體驗的靈魂！以「蠔饌蟹宴」為例，場內有幾款即叫即煮的焗蠔，包括最受歡迎的蒜蓉烤生蠔和芝士烤生蠔，蠔迷可以瘋狂Encore！

另外亦有潮汕蠔餅等特色小食，包你食蠔食到滿足。

2. 限量供應專區（每人一客蒜蓉粉絲蒸龍蝦、大閘蟹）

呢個絕對係回本位的重中之重！入座後每位客人都會獲派一份限量美食，絕對唔可以錯過：

• 蒜蓉粉絲蒸龍蝦：每人半隻，龍蝦上枱時熱辣辣，香氣撲鼻。有食家形容「龍蝦超大隻，肉超多超厚」，肉質鮮甜彈牙，唔係梅嘅貨色，配埋索晒汁嘅蒜蓉粉絲一齊食，簡直係人間極品！
  
• 清蒸大閘蟹：秋風起當然要食大閘蟹！同樣係每人一隻，雖然唔算超大隻，但勝在隻隻都「爆晒膏」，蟹膏甘香豐腴，令人回味無窮。

3. 即煮美食區（法式鵝肝、燒羊架、燒乳鴿）

除咗限量海鮮，即煮區都係回本關鍵！

• 法式鵝肝：無限量供應！師傅即場香煎，外層微脆，內裏入口即溶，油脂甘香但完全唔會膩。有食家大讚：「顛覆我對鵝肝的想法！」
  
• 燒羊架/燒牛柳：大大塊燒羊架肉質超嫩，而且羊羶味唔重，燒牛柳同樣有驚喜。
  
• 燒乳鴿：皮脆肉嫩，充滿肉汁，係香港自助餐較少見的選擇。

4. 海鮮冷盤區（花蟹、凍蝦、螺）

海鮮控最愛的凍海鮮區，選擇非常豐富，而且可以叫師傅幫手加熱！

• 蟹類：有幾款蟹任君選擇，包括花蟹、三點蟹，全部任食，蟹肉鮮甜。
  
• 其他海鮮：凍蝦、帶子、花螺、海螺、青口、蜆等應有盡有，款款都新鮮。

5. 熱盤熟食區（中西式熱盤、燉湯、片皮鴨）

熟食區選擇都唔馬虎，有椒鹽豬扒、泰式酸辣青檸魚、避風塘炒蟹、牛仔骨等，啱晒一家大細的口味。

另外仲有原盅燉湯，例如松草花雞湯，足料又滋潤。福田店更有烤鴨供應，大家可以碰碰運氣！

6. 刺身壽司及沙律前菜

刺身區有齊三文魚、吞拿魚、希靈魚、鯛魚等幾款選擇，全部都好新鮮，特別係三文魚，油花分佈均勻，口感肥美。

壽司擺盤精緻，前菜亦有口水雞、涼拌魚皮等開胃之選。

7. 甜品、雪糕及飲品（多款口味雪糕、紅白酒任飲）

最後當然要留肚食甜品！甜品區有朱古力噴泉、各式精緻蛋糕、布甸同葡撻。

雪糕有大概六種口味，大人細路都鍾意。飲品方面，最正是紅白酒、啤酒、雞尾酒、汽水同果汁全部任飲，飲兩杯都回本！

【深圳寶安福朋喜來登酒店】自助早餐有咩食？

訂咗住宿+餐飲套票的朋友仔，第二朝起身就可以直落餐廳食個豐富的自助早餐。

早餐食物種類同樣多元化，絕對唔會令你失望！

1. 必食推介（即製煎餅果子、出前一丁粉麵檔、豬雜粥）

自助餐早餐都有必食推介？無錯！以下幾樣嘢一定要試：

• 即製煎餅果子：師傅即叫即整，熱辣辣又香脆，係出面好難食到。
• 粉麵檔：最驚喜係竟然有出前一丁同辛辣麵揀！朝早食返個港式麵，即刻醒神晒。
• 生滾豬雜粥：粥底綿滑，豬雜包括豬腰、豬粉腸等都好新鮮，調味恰到好處，非常惹味。

2. 中西式美食選擇（點心、沙律、麵包、熱盤）

除了以上推介，早餐仲有大量選擇，包括港人最愛的燒賣、蝦餃等點心，炸薯餅、麥樂雞、油炸鬼等香口小食。

仲有炒麵、腸仔、各式麵包、窩夫、沙律同水果，包羅萬有，絕對可以食到捧住個肚走。

【深圳福朋喜來登酒店自助餐】優點及食客評價

綜合網上多位食家及住客的評價，深圳福朋喜來登酒店無論係住宿定自助餐，整體體驗都獲得一致好評，絕對值得推薦！

1. 性價比極高

人均五百幾蚊就可以享受四星級酒店住宿、同兩餐豐富自助餐，喺香港絕對搵唔到。

2. 食物質素有保證

自助餐雖然唔係款式多到爆，但勝在每樣嘢都有質素，尤其係龍蝦、大閘蟹、鵝肝等「回本位」絕不欺場。

3. 交通無敵方便

酒店鄰近口岸，對家庭客、長輩或唔想煩交通嘅「懶人」嚟講係最大賣點。

4. 服務及環境舒適

酒店夠新淨，房間設計時尚舒適，員工服務態度良好，有賓至如歸嘅感覺。

【深圳福朋喜來登酒店自助餐】價錢收費、餐廳資訊及預訂優惠

深圳福朋喜來登酒店有多間分店，初次訂購難免感到花多眼亂。

深圳貓為你整理好自助餐的餐廳嘅基本資料、地址及營業時間，方便你計劃行程。

【福田區】深圳福朋喜來登酒店自助餐詳細資訊

以下是位於福田區的深圳福朋喜來登酒店自助餐價錢、供應時段、餐廳地址等資訊。

• 餐廳名稱：桂花標幟西餐廳
  
• 地址：深圳市福田區保稅區桂花路5號福朋喜來登酒店3樓
  
• 自助餐供應時段：
  • 自助早餐：06:30-10:30
  • 自助午餐：12:00 – 14:30（週六及週日）
  • 自助晚餐：18:00 – 21:30（週日至週四）；17:30 – 21:30（週五及週六）

【寶安區】深圳寶安福朋喜來登酒店自助餐詳細資訊

以下是位於寶安區的深圳寶安福朋喜來登酒店自助餐價錢、供應時段、餐廳地址等資訊。

【深圳寶安福朋喜來登酒店自助餐】餐廳基本資訊

• 餐廳名稱：玩啤食社
  
• 地址：深圳市寶安區寶安中心區寶民一路70號深圳寶安福朋喜來登酒店19樓
  
• 自助餐供應時段：
  • 自助早餐：6:30 – 10:00（週一至週五）；6:30 – 10:30（週六及週日）
  • 自助午餐：12:00 – 14:30（週六）
  • 自助晚餐：17:30 – 21:30（週五及週六）

【深圳福朋喜來登酒店】交通方式全攻略（福田及寶安分店）

深圳福朋喜來登酒店之所以成為港人快閃首選，極度便利的交通係一大主因。

無論你想搭地鐵、的士定自駕，都一樣方便！

1. 乘搭地鐵

如果選擇自己搭公共交通工具，可以乘坐深圳地鐵前往。不過就要有行一段路嘅心理準備。

• 寶安福朋喜來登：最近的地鐵站是 5號線/12號線的「靈芝站」，出站後需要步行約 15 分鐘才能到達酒店。
• 福田福朋喜來登：由福田口岸過關後，沿桂花路直行，步行約 10-15 分鐘即可到達，非常適合即日來回的旅客。

2. 自駕或的士

如果人多或者行李多，亦可以選擇 Call 車或自駕（需申請「港車北上」）。

【深圳福朋喜來登酒店自助餐】常見問題

Q. 自助餐需要提早預約嗎？

強烈建議提早預約！特別是週末或公眾假期，自助餐非常受歡迎。

如果你是購買包含自助餐的酒店套票，預訂時已等同預約。如果是單獨用餐，最好提前透過酒店官網或致電餐廳訂位。

Q.餐飲住宿套票在哪裡購買及如何使用？

你可以在各大旅遊平台（如 Klook）上購買，成功購買後會收到電子憑證，非常方便。

Q. 酒店附近有什麼景點？

深圳寶安福朋喜來登酒店鄰近兩個大型商場，步行5至10分鐘即可到達，分別是壹方城 (Uniwalk) 和海雅繽紛城 (Haiya Mega Mall)，集購物、餐飲、娛樂於一身，絕對不怕無聊。

深圳福朋喜來登酒店則較接近福田口岸，方便過關即日來回；鄰近的 Coco Park 商場則是10分鐘車程內可到達。

延伸閱讀：【福田好去處】40大食玩買景點 | 購物/玩樂/美食/交通住宿、福田一日遊行程全攻略！

總括而言，深圳福朋喜來登酒店自助餐絕對是港人北上快閃的極佳選擇。

不論是追求一站式便利體驗的寶安店，還是主打極致性價比的福田店，總有一間能滿足你的需求。希望這份詳盡攻略能助你輕鬆預訂，享受一趟物超所值的美食之旅！

＊以上內容僅供參考，自助餐的菜式、價錢及供應細節或會因季節、供應及酒店安排而有所調整，實際情況請以酒店官方網站及當日供應為準。